Исай 10:28 - Коми Библия 2023

²⁸ Ассурса тышкайӧз локтісны Айят кар пыр, мунісны Мигрон кар бокиті, Микмасын найӧ колисны ассьыныс эмбурнысӧ.

Исай 10:28 Kruisverwysings

Неемий 11:31

Венямин чужанкотырлӧн оланінъясыс вӧліны Гевасянь да водзӧ: Микмас, Айя, Вефиль да сыгӧгӧрса сиктъяс,

Исай 8:8

визувтас став Иуда му пасьтала да ойдӧдас сійӧс ставнас, и ваыс лоӧ голявыйӧдз. Сійӧ паськӧдас ассьыс бордъяссӧ став Тэнад му пасьтала, Эммануил.

Микей 1:9

Самариялӧн дойыс бурдлытӧм, сійӧ вуджас Иуда муӧдз, менам войтырлӧн дзиръяӧдз, воас Ерусалим карӧдз.

Нав Исус 7:2

Исус мӧдӧдіс ассьыс йӧзсӧ Ериконысь Гайӧ. Гай кар вӧлі Бет-Авенсянь матын, Вефильсянь асыввылын. Исус тшӧктіс налы: «Мунӧй видзӧдалӧй мусӧ». Найӧ ветлісны видзӧдавны Гай кар.

Ёрдысьяс 18:21

Тышкайӧз водзвылын восьлалісны налӧн челядьныс, ыж-мӧсныс да эмбур-кӧлуй нуысьяс.

Ӧксыяслӧн 1 небӧг 13:2

Кык сюрсыс вӧлі Саулкӧд Микмасын да Вефиль керӧсын, а ӧти сюрсыс вӧлі Ионафанкӧд Гиваын Венямин муын. Мукӧдсӧ Саул лэдзис гортаныс.

Ӧксыяслӧн 1 небӧг 13:23

Филистимсаяслӧн водзын мунысь тышкакотырыс сувтіс Микмас кардорса сёртасӧ.

Ӧксыяслӧн 1 небӧг 13:5

Филистимсаяс лӧсьӧдчисны петны тышӧ Израильлы паныд. Налӧн вӧлі комын сюрс тарантас да квайт сюрс верзьӧма, а пода йӧзыс – саридздор лыа мында. Филистимса тышкайӧз локтісны да сувтісны Микмасӧ, Бет-Авенсянь асыввывладорӧ.

Ӧксыяслӧн 1 небӧг 14:2

Саул вӧлі Гива кар дорын Мигронын, гранат пу улын. Сыкӧд сэки вӧлі квайтсё гӧгӧр морт.

Ӧксыяслӧн 1 небӧг 14:31

Сійӧ лунӧ израильсаяс вӧтлісны филистимсаясӧс Микмассянь Аялонӧдз. Йӧзыс дзикӧдз эбӧстӧммисны.

Ӧксыяслӧн 1 небӧг 14:5

Ӧтиыс чурвидзис войвывладорсянь да видзӧдіс Микмаслань, мӧдыс чурвидзис лунвывладорсянь да видзӧдіс Гевалань.

Ӧксыяслӧн 1 небӧг 17:22

Давид колис нопсӧ эмбур видзысьлы, сэсся котӧрӧн муніс тышкайӧз пӧвстӧ. Сэні чолӧмасис вокъясыскӧд.