Исай 10:2 - Коми Библия 2023

² медым гӧльясӧс эз мыждыны веськыда, медым Менам войтыр пӧвстысь коньӧръяслы эз вӧчны веськыда, медым мырддьыны дӧваяслысь эмбурсӧ, медым куштыны батьтӧм-мамтӧмъясӧс.

Исай 10:2 Kruisverwysings

Иов 31:16

Ме ӧмӧй эг отсавлы гӧльяслы, ме ӧмӧй мӧдӧдлі дӧваӧс бӧрдан синмӧн?

Псалтыр 94:6

Локтӧй да копыртчамӧй Господь водзӧ, сувтамӧй пидзӧс выланым миянӧс Вӧчысь водзӧ.

Петӧм 23:6

Гӧль мортлысь вензьӧмсӧ видлалігӧн ло веськыд ёрдысьӧн.

Шусьӧгъяс 22:22

Гӧль мортӧс эн дзескӧд сылӧн гӧльлун вӧсна, коньӧрӧс эн кедзовт ёрд водзын.

Шусьӧгъяс 30:14

Курыд шог налы, кодъяслӧн пиньныс шыпурт кодь, черлыныс пурт кодь, кодъяс бырӧдӧны гӧльясӧс му вылысь, коньӧръясӧс – йӧз пӧвстысь.

Исай 1:17

велӧдчӧй вӧчны бурсӧ! Зільӧй вӧчны веськыда, отсалӧй увтыртӧмалы, дорйӧй батьтӧм-мамтӧмӧс, сувтӧй дӧва дор.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Исай 29:21

ӧд найӧ шуӧны мыжтӧмӧс мыжаӧн, карса мыжданінын пӧрйӧдлӧны ёрдысьӧс, ӧтдортӧны збыльсӧ висьталысьӧс.

Исай 3:14

Господь кутас мыждыны Аслас войтырлысь юрнуӧдысьясӧс да веськӧдлысьясӧс: – Ті куштінныд виноград йӧр, гӧльяслысь мырддялӧм эмбурнас тыртінныд керкаяснытӧ.

Исай 3:15

Кыдзи ті лысьтанныд дзескӧдны Менсьым войтырӧс? Ті нартитанныд гӧльясӧс, – висьталӧ Ыджыдыс, Господь Саваоф.

Исай 32:6

Ӧд мывкыдтӧм мортлӧн сёрниыс мывкыдтӧм, сійӧ мӧвпалӧ лёк вӧчӧм йылысь, сылӧн оласногыс шогмытӧм, сійӧ омӧльтӧ Господьӧс, няньтӧг кольӧ тшыг мортӧс, горш косьмысьлы оз сет ва.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Еремей 7:6

онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Бӧрданкыв 3:35

оз веськыда мыждыны мортӧс Медвылыссаыс водзын,

Езекиль 22:7

Ерусалимын бать-мамӧс пыдди оз пуктыны, йӧз муысь локтысьясӧс топӧдӧны, батьтӧм-мамтӧмӧс да дӧваӧс дзескӧдӧны.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Амос 2:7

Гӧль йӧзӧс найӧ талялӧны кок уланыс, коньӧръяслы туйсӧ тупкӧны. Батьыс да пиыс ӧти ань дінӧ ветлӧны – тадзи янӧдӧны Менсьым вежа нимӧс.

Амос 5:19

Сійӧ лунӧ ті лоанныд морт кодь, коді пышйӧ левысь, но паныдасьӧ ошкӧд, котӧртӧ гортӧдзыс да кутчысьӧ кинас стенмӧ, но сійӧс змей чушкӧ.

Микей 3:1

Ме шуи: – Кывзӧй, Яков рӧдлӧн юралысьяс, Израиль войтырлӧн веськӧдлысьяс! Тіянлы колӧ тӧдны веськыдлунсӧ.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.