Исай 10:13 - Коми Библия 2023

¹³ Ӧд ассурса ӧксы шуис: «Ме сюсь мывкыда морт, ставсӧ тайӧс вӧчи аслам вынӧн да сюсь вежӧрӧн. Ме бырӧді войтыръяслысь мувежтасъяссӧ, кушті налысь озырлунсӧ, вына морт моз шыбиті юралан пуклӧсысь налысь юралысьяссӧ.

Исай 10:13 Kruisverwysings

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

Ӧксыяслӧн 4 небӧг 16:8

Ахаз босьтіс Господьлӧн крамысь да ӧксы керкаса озырлун видзанінъясысь став эзысь-зарнисӧ да ыстіс ассурса ӧксылы козин пыдди.

Ӧксыяслӧн 4 небӧг 17:24

Самарияса каръясӧ ассурса ӧксы вайӧдіс Вавилонысь, Кутаысь, Авваысь, Хаматысь да Сепарваимысь олысьясӧс. Найӧ босьтісны аслыныс Самария му да овмӧдчисны сэтчӧс каръясӧ израильсаяс пыдди.

Ӧксыяслӧн 4 небӧг 17:6

Осийлӧн ӧкмысӧд веськӧдлан воӧ ассурса ӧксы босьтіс карсӧ. Израильсаясӧс нуӧдіс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 18:11

Ассурса ӧксы нуӧдіс израильсаясӧс Ассурӧ да овмӧдіс найӧс Халахӧ да Хавор юдорса Гозанӧ, тшӧтш мидияса каръясӧ.

Ӧксыяслӧн 4 небӧг 18:15

Езекей сетіс сылы став эзысьсӧ, мый вӧлі Господьлӧн крамын да ӧксы керкаса озырлун видзанінъясын.

Ӧксыяслӧн 4 небӧг 18:32

Сэсся ме локта да нуӧда тіянӧс мӧд муӧ, тіян кодь муӧ, кӧні эм нянь, вина да виноград йӧръяс, олив вый да ма. Сэні ловйӧн колянныд, онӧ кулӧй. Сідзкӧ, энӧ кывзӧй Езекейӧс! Сійӧ пӧръясьӧ, кор шуӧ тіянлы, Господь пӧ мездас миянӧс.

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

Шусьӧгъяс 28:11

Озыр мортыд асьсӧ мывкыдӧн чайтӧ, но вежӧра гӧль морт тӧдӧ, кутшӧм сійӧ.

Исай 10:8

Сійӧ шуӧ: «Став менам веськӧдлысыс – ӧксыяс!

Исай 5:21

Курыд шог налы, кодъяс лыддьӧны асьнысӧ мывкыдаӧн, пуктӧны асьнысӧ сюсь вежӧраӧ!

Еремей 46:8

Египет кыпӧдчӧ Нил ю моз, ызгӧ визув ва моз. Сійӧ шуӧ: «Ме кыпӧдча да вевття мусӧ, Ме бырӧда каръяс да сэні олысьяссӧ».

Еремей 48:14

Ті шуанныд: «Ми вына тышкайӧз, дасьӧсь петны тышӧ!»

Езекиль 25:3

Тшӧкты налы кывзыны Господь Ыджыдлысь кывсӧ. Господь Ыджыдыс тадзи висьталӧ: ті сералінныд, кор Менсьым вежаинӧс пежалісны, Израиль муӧс куштісны да Иуда войтырӧс нуӧдісны пленӧ.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Езекиль 29:3

Шу, мый Господь Ыджыдыс тадзи висьталӧ: Ме сувта тэныд паныд, фараон, египетса ӧксы. Тэ – ыджыд крокодил, куйлан Нил юын да шуан, юыс пӧ менам, ме пӧ ачым сійӧс аслым вӧчи.

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Амос 5:27

Та вӧсна Ме вӧтла тіянӧс Дамаскысь на ылӧджык, – висьталӧ Господь. Сылӧн нимыс – Ен Саваоф.

Амос 6:13

Ті нимкодясянныд Ло-Девар кар босьтӧмысь, шуанныд, асланым вынӧн пӧ Карнаим босьтім.

Аввакум 1:11

Сійӧ тӧвзьӧ ыджыд тӧвныр моз, мунӧ ыджыд ӧдӧн да ставсӧ бырӧдӧ, сылӧн енмыс – аслас выныс.

Аввакум 1:16

Сійӧ вись вайӧ аслас ботанлы, тшынӧдчӧ аслас тыв водзын, ӧд на отсӧгӧн сійӧ лышкыда олӧ, пӧттӧдзыс сёйӧ.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Индӧд 8:17

Энӧ мӧвпалӧй, мый ті асланыд вынӧн да ас киӧн озырлуннытӧ лӧсьӧдінныд.

Ёрдысьяс 7:2

Господь шуис Гедеонлы: «Тэнад йӧзыд вывті уна. Ме кӧ сета мадиансаясӧс налӧн киӧ, Израиль войтыр кутас ышнясьны Ме водзын да шуны, ми пӧ асьным мездім асьнымӧс.