Исай 10:12 - Коми Библия 2023

¹² Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Исай 10:12 Kruisverwysings

Ӧксыяслӧн 4 небӧг 19:31

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Псалтыр 21:10

Тэ петкӧдін менӧ мам кынӧмысь, видзин менӧ мам морӧс бердын.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Псалтыр 76:5

Енмӧй, Тэ он лэдз меным куньны синмӧс, ме ловнам усьӧма, ог вермы весиг сёрнитны.

Шусьӧгъяс 21:4

Лёк вӧчысьлӧн биыс – тшаплун да вылӧ кыпӧдчӧм, но тайӧ мыж.

Шусьӧгъяс 30:13

Курыд шог налы, кодъяс асьнысӧ лэптӧны да вылісянь видзӧдӧны.

Исай 2:11

Вылӧ кыпӧдчысьяс лэдзасны юрнысӧ, ышнясьысьяс улӧдз копыртчасны, сійӧ лунӧ сӧмын Господь лоӧ медся вылын.

Исай 2:12

Господь Саваофлӧн дасьтӧма лун, кор Сійӧ кутас мыждыны вылӧ кыпӧдчысьясӧс, ышнясьысьясӧс да вывтіасьысьясӧс, и найӧс лоӧ улӧ лэдзӧма.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Исай 27:7

Господь ӧмӧй дойдаліс Израиль войтырӧс найӧс дойдалысьясӧс моз? Сійӧ ӧмӧй виаліс Израиль войтырӧс найӧс виалысьясӧс моз?

Исай 27:9

Яковлысь мыжсӧ лоӧ вештӧма. Изйысь вӧчӧм висьпуктанінъяссӧ сійӧ жуглас торпыригӧдз, Израиль муын оз нин кутны сулавны юрбитан пуяс да тшынӧдчан висьпуктанінъяс. Тадзи тыдовтчас Яковлӧн олӧмын, мый сылысь мыжъяссӧ вештӧма.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Исай 37:23

Кодӧс тэ омӧльтін? Кодӧс тэ лёкӧдін? Кодлы паныд тэ гӧлӧстӧ кыпӧдін? Код вылӧ ышнясьӧмӧн видзӧдін? Израильлӧн вежа Ен вылӧ!

Исай 37:29

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Исай 5:15

Йӧзыс нюкыртчасны, ӧшӧдасны юрнысӧ, вылӧ кыпӧдчысьяс увлань лэдзасны синнысӧ.

Исай 50:11

Ыпъялан биас асьныд мунӧй, донӧдӧм ньӧвъяс улас асьныд пырӧй, ті, кодъяс пестанныд би да лыйланныд биа ньӧвъяс. Со мый вӧчас тіянкӧд Менам киӧй – ті сьӧкыда куланныд.

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Исай 9:9

Та йылысь тӧдмаліс став войтырыс, Ефремын да Самарияын олысьяс. Найӧ тшапа да ышнясьӧмӧн сёрнитӧны:

Еремей 25:29

Со, тайӧ карыс вылӧ, мый сиӧма Менам нимлы, Ме мӧдӧда шог. Гашкӧ, ті чайтанныд, мый тіянӧс оз ло мыждӧма? Но мыждӧмысь ті онӧ пышйӧй, ӧд му вылас став олысьыс вылӧ Ме мӧдӧда шыпурт, – висьталӧ Господь Саваоф. –

Еремей 50:18

Та вӧсна Господь Саваоф, Израильлӧн Ен, тадзи висьталӧ: Ассурса ӧксыӧс моз Ме мыжда вавилонса ӧксыӧс да сылысь мусӧ.

Еремей 50:32

Ышнясьысь крукасяс да усяс, некод оз лэпты сійӧс. Сылысь каръяссӧ Ме сота, на гӧгӧрысь ставсӧ би ньылыштас.

Езекиль 31:10

Господь Ыджыдыс тадзи висьталӧ: сус пуыс быдмис джуджыда, мукӧд пуясысь вылӧджык, да ышнясис.

Езекиль 31:14

Тайӧ ставыс лои сы вӧсна, медым ва бокын быдмысь пуяс оз вылӧ кыпӧдчыны да туганнас мед оз нюжӧдчыны мукӧд пуясысь вылӧджык. Ваӧн юкталӧм ыджыд пуяс мед оз быдмыны вывті джуджыда. Ставныслы шуӧма кувны, найӧс лоӧ шыбитӧма му пыдӧсас, кулӧмаяс пӧвстӧ.

Даниил 11:45

Сійӧ сувтӧдас ассьыс дӧрачомъяссӧ саридз да мича вежа керӧс костӧ. Но сылы воас пом, и некод сылы оз отсав.

Лыд 24:24

Киттимсянь локтасны корабльяс, вермасны Ассурӧс, вермасны Эверӧс, но и найӧс асьнысӧ лоӧ дзикӧдз бырӧдӧма.

Матвей 12:33

«Бур пу вайӧ бур вотӧс, лёк пу – лёкӧс. Путӧ донъялӧны вотӧс сертиыс.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

1 Петыр 4:17

Мыждан кадыс матын нин, и медводз Енмыс кутас мыждыны Ассьыс войтырсӧ. Сідзкӧ, медводз кӧ кутас мыждыны миянӧс, сэки мый виччысьӧ найӧс, кодъяс оз кывзысьны Енлӧн Евангелльӧлысь?