Исай 1:7 - Коми Библия 2023

⁷ Тіянлысь мунытӧ куштӧма, каръяснытӧ сотӧма биӧн. Йӧз муысь локтысьяс тіян син водзын куштӧны тіянлысь пуктас-быдтаснытӧ. Гӧгӧр эндӧма, йӧз муысь локтысьяс ставсӧ бырӧдӧмаӧсь.

Исай 1:7 Kruisverwysings

2 Каднебӧг 28:5

Та вӧсна Господь Ен сетіс Ахазӧс арамейяслӧн ӧксы киӧ. Арамейяс пасьвартісны сійӧс да уна йӧзӧс нуӧдісны пленӧ Дамаскӧ. Господь сетіс Ахазӧс тшӧтш израильса ӧксы киӧ, и израильса ӧксы виис сылысь уна мортӧс.

Исай 1:8

Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 3:8

Киссис Ерусалим, усис Иуда, ӧд налӧн сёрниныс да уджъясныс – Господьлы паныд, найӧ паныд кыпӧдчӧны дзирдлуна Господьлы.

Исай 34:9

Эдомлӧн юясыс лоӧны сирӧн, му веркӧсыс лоӧ тэгйӧн, муыс ставнас лоӧ сотчысь сирӧн.

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Исай 5:17

Киссьӧм карас кольӧм йӧзыс йирсьысь ыжъяс моз кутасны корсьны сёян, локтысь йӧз моз найӧ кутасны корсьны кынӧмпӧт жугӧдӧм карас, мый озыр йӧз эновтісны.

Исай 5:9

Ме кывлі, кыдзи Господь Саваоф шуис: – Керкаыс уна, но найӧ лоӧны кушӧсь, мича да ыджыд керкаясыс колясны олысьястӧг.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Исай 60:15

Тэнӧ вӧлі эновтӧма, тэнӧ ёна мустӧмтісны, некод эз волы тэ дінӧ. Но Ме нимӧда тэнӧ нэмъяс чӧж, вӧча тэнӧ нимкодьлунӧн водзӧ чужысьяслы.

Исай 62:8

Господь сетіс кыв, кӧсйысис Аслас веськыд кинас, Аслас вына кинас Сійӧ кӧсйысис: – Тэнсьыд няньтӧ Ме ог нин сет вӧрӧгыдлы, йӧз муысь локтысьяс оз кутны юны тэнсьыд винатӧ, мый тэ мудзтӧдзыд вӧчин.

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Исай 9:18

Налӧн лёк вӧчӧмыс ыпъялӧ би моз, ньылалӧ йӧн да ёг турун, сотӧ ставнас вӧрсӧ, и сэтысь сюръя моз кыптӧ сьӧд тшын.

Исай 9:5

Тышкасьысьяслысь вирӧсь паськӧмсӧ, тышын талялӧм кӧмнысӧ лоӧ шыбитӧма биӧ.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 44:6

Та вӧсна киссис Менам скӧрлунӧй да ярлунӧй, кутіс ыпъявны иудаса каръясын да ерусалимса уличьяс вылын. Ӧнӧдз тайӧ каръясыс – из чукӧр да овтӧмин.

Еремей 6:8

Вежӧрсяв, Ерусалим, медым Ме эг бергӧдчы тэысь, медым Ме эг вӧч тэнӧ овтӧминӧн, сэтшӧм муӧн, кӧні некод оз ов.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Бӧрданкыв 5:2

Миян муным вуджис мукӧдлы, керкаясным – локтысь йӧзлы.

Езекиль 25:4

Таысь Ме сета тіянӧс асыввывса войтырлӧн киӧ. Тіян муӧ найӧ зэвтасны чомъяснысӧ, овмӧдчасны тіян пӧвстӧ, пондасны сёйны мувыв быдтаснытӧ да юны йӧвнытӧ.

Езекиль 30:12

Нил юсӧ Ме косьта, а Египет му сета лёк йӧзлӧн киӧ. Йӧз муысь локтысьяс киӧн Ме кушта мусӧ да ставсӧ, мый сэні эм. Тайӧс висьтала Ме, Господь.

Осий 7:9

Локтысьяс чурскисны сылысь вынсӧ, а сійӧ эз казявлы тайӧс. Юрсиыс сылӧн дзормис, а сійӧ оз и тӧд та йылысь.

Осий 8:7

Найӧ кӧдзӧны тӧвныр, вундӧны бушков. Няньыс налӧн оз шептась, пызьыс налӧн оз ло. А шептасяс кӧ, няньсӧ мукӧдъяс сёясны.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Левит 26:34

Сэки муныд вермас шойччыны, аслас шойччытӧм воясысь водзӧс босьтны. Ті кутанныд овны вӧрӧгныдлӧн муын, а тіян муныд кутас шойччыны, сійӧ водзӧс босьтас аслас шойччытӧм воясысь.

Микей 5:11

бырӧда тіянлысь каръяснытӧ, кисьта изкаръяснытӧ.

Микей 6:13

Та вӧсна Ме ёна дойдала тіянӧс, мыжъясныд вӧсна кушта карнытӧ.

Индӧд 28:33

Тӧдтӧм войтыр кутас сёйны тэнсьыд мувыв быдтас-вотӧстӧ, сёяс ставсӧ, мый чукӧртін. Став олӧм чӧжныд ті лоанныд дзескӧдӧм да нартитӧм улынӧсь.

Индӧд 28:43

Йӧз муысь локтысьяс пондасны ыджыдавны тіян вылын, а ті пыр улӧджык и улӧджык усянныд.

Индӧд 29:23

Муыс ставнас сотчас, сэні лоӧ сӧмын тэг да сов, весиг турун оз кут быдмыны. Сэні нинӧм он вермы кӧдзны-быдтыны. Сійӧ лоӧ Содом да Гомора, Адма да Севоим каръяс кодь. Тайӧ каръяссӧ Господь бырӧдіс ыджыд скӧрлунӧн.