Исай 1:2 - Коми Библия 2023

² Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Исай 1:2 Kruisverwysings

Ӧксыяслӧн 4 небӧг 21:22

Сійӧ эновтіс Господьӧс, аслас батьяслысь Енсӧ, да эз ветлы Господьлӧн туйӧд.

Псалтыр 49:1

Асафлӧн псалом. Енмыс, Господь Ен, сетіс Ассьыс гӧлӧс шысӧ, став му пасьталаысь асыввывсянь рытыввылӧдз Сійӧ чукӧстіс йӧзӧс.

Псалтыр 50:4

Мыськы менӧ лёк вӧчӧмысь, весав менӧ, сӧстӧммӧд менӧ мыжысь.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 30:9

Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.

Исай 31:6

Израиль войтыр, бергӧдчӧй Сы дінӧ, код дінысь ті ёна ылыстчинныд!

Исай 34:1

Матыстчӧй, войтыръяс, да кывзӧй, сюся кывзӧй, чужанкотыръяс! Мед кывзас муыс да ставыс, мый сэні эм, мед кывзас муюгыдыс да став сэні чужысьыс.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Еремей 13:15

– Кывзӧй, энӧ ышнясьӧй, сюся кывзӧй, ӧд Господь сёрнитӧ.

Еремей 22:29

– Иуда му да сэні олысьяс, кывзӧй Господьлысь кывсӧ!

Еремей 3:22

– Бергӧдчӧй Ме дінӧ, кывзысьтӧм челядьӧй, Ме бурдӧда тіянӧс Менӧ эновтӧмысь. – Со, ми локтам Тэ дінӧ, ӧд Тэ – Господь, миян Енным.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Еремей 6:19

Кывзы, муыс! Ме ыста тайӧ войтырыслы шог. Тайӧ шогыс – налӧн лёк мӧвпъяслӧн вотӧсыс, ӧд Менсьым кывъясӧс найӧ эз кывзыны, Менсьым Индӧдӧс найӧ ӧтдортісны.

Езекиль 24:3

Тайӧ асныра войтырыслы висьтав велӧданвисьт. Шу налы, мый Господь Ыджыдыс тадзи висьталӧ: – Босьт пӧрт, кисьт сэтчӧ ва да пукты сійӧс би вылӧ.

Езекиль 36:4

Та вӧсна, Израиль керӧсъяс, кывзӧй Господь Ыджыдлысь кывсӧ, мый Сійӧ висьталӧ керӧс-ыбъяслы, ковтыс-сёнъяслы, овтӧминъяслы да эновтӧм каръяслы – тіянлы, кодъясӧс тіян гӧгӧр олысь войтыръяс куштӧны да сералӧны-лёкӧдӧны.

Амос 3:1

Израиль войтыр, кывзӧй, мый висьталӧ Господь тіян йылысь, кывзӧй, чужанкотыръяс, кодъясӧс Сійӧ петкӧдіс Египет муысь. Сійӧ шуӧ:

Микей 1:1

Морешетса Микейлы вӧлі Господьсянь кыв. Сійӧ кадӧ иудаса ӧксыӧн вӧлі Иотам, сэсся – Ахаз, а Ахаз бӧрын – Езекей. Микей аддзыліс Самария да Ерусалим йылысь петкӧдчылӧм.

Микей 1:2

– Кывзӧй, войтыръяс! Кывзы, му! Кывзӧй, сэні олысьяс! Господь Ыджыдыс ставсӧ аддзӧ – Сійӧ локтас Аслас вежа крамысь да мыжалас тіянӧс.

Микей 3:8

А ме тырӧма вынӧн да Господьлӧн Лолӧн, веськыдлунӧн да вынйӧрӧн, медым Яков рӧдлы юӧртны сылӧн лёк вӧчӧм йылысь, Израиль войтырлы – сылӧн мыж йылысь.

Малакий 1:6

– Пиыс ассьыс батьсӧ пыдди пуктӧ, кесйӧг – ассьыс ыджыдсӧ. Ме кӧ тіян Бать, мыйла ті онӧ пыдди пуктӧй Менӧ? Ме кӧ тіян Господь, кӧні Меысь вежавидзӧмныд? Тайӧс Ме, Господь Саваоф, юала тіянлысь, попъяс, кодъяс нинӧмӧ пуктанныд Менӧ. Ті юаланныд: «Мыйӧн ми нинӧмӧ пуктам Тэнӧ?»

Ап. уджъяс 4:20

Ми огӧ вермӧй чӧв овны сы йылысь, мый аддзылім да кывлім».

Индӧд 1:31

Овтӧминын ті аддзылінныд, мый Господь, тіян Енныд, нуис тіянӧс ки вылас, кыдзи бать нуӧ ассьыс писӧ. Татчӧ вотӧдзныд Сійӧ пыр нуис тіянӧс ки вылас”.

Индӧд 30:19

Талун енэжыс да муыс водзын вӧзъя тіянлы олӧм и кулӧм, бурсиӧм и ёрӧм. Бӧрйӧй олӧмсӧ, медым ті да тіянсянь чужысьяс олінныд

Индӧд 32:1

– Кывзы, енэжыс, мый ме висьтала, кывзы, муыс, менсьым кывъясӧс.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.