Иов 9:15 - Коми Библия 2023

¹⁵ Ме кӧ вӧлі мыжтӧм, весиг сэки эг вермы вочавидзны Сылы, ме верми сӧмын корны Ёрдысьӧс лоны бур сьӧлӧмаӧн ме дінӧ.

Иов 9:15 Kruisverwysings

2 Каднебӧг 33:13

Манассей кевмысис Енлы, и Енмыс кыліс сылысь кевмӧмсӧ да бӧр бергӧдіс сійӧс Ерусалимӧ ӧксыавны. Тадзи Манассей тӧдмаліс, мый Господь эм Ен.

Иов 10:15

Ме кӧ мыжа – курыд шог меным! А мыжтӧм кӧ, весиг сэки ог лысьт юрӧс лэптыны, ме пӧтӧма яналӧмнас, кок йылысь усьмӧн менӧ юкталӧма шогнас.

Иов 10:2

Енмыслы ме шуа: эн мыжды менӧ, висьтав, мыйысь Тэ менӧ мыжалан.

Иов 22:27

Кевмысян Сылы, и Сійӧ кылас тэнӧ, и тэ вӧчан, мый кӧсйысьлін.

Иов 23:7

Сэки эськӧ веськыда олысь вермис дорйысьны Сы водзын, ме эськӧ пыр кежлӧ мездми менӧ Мыждысьлӧн киысь.

Иов 40:5

Вевттьы асьтӧ ӧксылӧн кодь дзирдлунӧн, пасьтӧд асьтӧ ыджыдалан вынӧн,

Иов 5:8

Тэ местаын ме эськӧ корси Енмӧс, шыаси Сы дінӧ,

Иов 8:5

Но тэ кӧ корсян Енсӧ, кевмысян Ставсӧвермысьлы,

Иов 9:16

Ме кӧ шыаси, и Сійӧ кӧ вочавидзис меным, весиг сэки эг эскы, мый Сійӧ кылӧ менӧ.

Иов 9:20

Ме мыжтӧм, но менӧ мыждас менам кывйӧй, ме абу мыжа, но Енмыс шуас менӧ мыжаӧн.

Иов 9:21

Ме абу мыжа, но меным ставыс веськодь, меным мустӧм аслам олӧмӧй.

Еремей 31:9

Найӧ петасны бӧрдӧмӧн, а Ме вайӧда найӧс бурӧдӧмӧн, нуӧда найӧс визув ва дінӧ шыльыд туйӧд, кӧні найӧ оз крукасьны, ӧд Ме – Израиль войтырлӧн бать, Ефрем – Менам медводдза чужысьӧй.

Даниил 9:18

Енмӧй, копырт Ассьыд пельтӧ да кывзы, восьт Ассьыд синтӧ да видзӧдлы пазӧдӧм карным вылӧ, мый сиӧма Тэнад нимлы. Ми кевмысям Тэныд огӧ асланым веськыдлун вылӧ лача кутӧмӧн, а Тэнад ыджыд буралӧмыд вылӧ лача кутӧмӧн.

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

1 Петыр 2:23

Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.