Иов 7:1 - Коми Библия 2023

¹ Мортлӧн олӧмыс му вылын – сьӧкыда уджалӧм, сылӧн олан лунъясыс – медалӧм мортлӧн кодьӧсь.

Иов 7:1 Kruisverwysings

Иов 10:17

Тэ выльысь вайӧдан мыжалысьясӧс, ёнджыка на скӧралан ме вылӧ, шог бӧрся шог ыстан меным.

Иов 14:1

Аньсянь чужысь дженьыд нэма, мортлӧн олӧмыс тырӧма шогӧн.

Иов 5:7

Кыдзи бикиньлы шуӧма кайны вывлань, тадзи мортлы шуӧма чужны, мед шогсьыны.

Иов 7:2

Кесйӧг моз сійӧ корсьӧ пуксьывны гож сайӧ, медалӧм морт моз виччысьӧ удждон.

Псалтыр 39:4

пуктіс менам вомӧ выль сьыланкыв – миян Енмӧс ошкана сьыланкыв. Тайӧс аддзигӧн унаӧн кутасны повны-вежавидзны Господьысь, лача кутасны Сы вылӧ.

Еклесиаст 8:8

Морт оз вермы ыджыдавны лолыс вылын, оз вермы кутны сійӧс, и кулан луныс абу сы киын. Тыш суӧмысь некод оз пышйы, лёк вӧчысьӧс лёкыс оз мезды.

Исай 16:14

А ӧні Господь тадзи висьталӧ: «Куим во мысти – лыддьыны кӧ сідзи, кыдзи медалӧм морт лыддьӧ ассьыс уджалан вояссӧ – Моавлӧн нималӧмыс бергӧдчас яналӧмӧ. Тайӧ войтырыслӧн лыдыс вӧлі вывті уна, но найӧ колясны зэв этшаӧн».

Исай 21:16

Господь меным тадзи висьталіс: «Коляс нӧшта ӧти во – лыддьыны кӧ сідзи, кыдзи медалӧм морт лыддьӧ ассьыс уджалан восӧ – и бырас ставыс, мыйӧн Кедар ошйысьӧ.

Исай 38:5

«Мун да висьтав Езекейлы, мый Господь, Давид пӧльыдлӧн Ен, тадзи висьталӧ: ”Ме кылі тэнсьыд кевмӧмтӧ да аддзи тэнсьыд синватӧ. Ме сета тэныд овны нӧшта дас вит во.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Левит 25:50

Сійӧ ачыс да сійӧс кесйӧг туйӧ ньӧбысьыс мед арталасны вояс сійӧс вузалан восянь тшупӧда воӧдз. Асьсӧ вузалан донысь сылы колӧ бӧр сетны юкӧнсӧ, мый арталасны медалӧм мортлӧн удждон серти.

Индӧд 15:18

Тэныд кӧ сьӧкыд лэдзны кесйӧгтӧ, мӧвпышт, мый квайт во чӧж сійӧ кесъяліс тэныд, и тайӧ кадас сійӧ сулаліс тэныд сӧмын джынсӧ сыысь, мый эськӧ ковмис мынтыны медалӧм мортлы. Господь, тэнад Енмыд, бурсиас тэнӧ быд уджын».