Иов 41:10 - Коми Библия 2023

¹⁰ Сылӧн несйыштӧмысь югдылӧ, сылӧн синмыс асъя кыа кодь,

Иов 41:10 Kruisverwysings

Олӧм 49:9

Иуда, тэ – том лев, пиӧй, тэ – кыйсьӧм бӧрын кыпӧдчысь лев, тэ лев моз водан да куйлан. Коді лысьтас садьмӧдны тэнӧ?

Иов 3:8

Мед ёрасны сійӧс нимкыв лыддьысьяс, кодъяс вермӧны садьмӧдны весиг левиафанӧс.

Иов 3:9

Асъя кодзувъяс мед кусасны югдытӧдзыс на, сійӧ войыс мед весьшӧрӧ виччысяс югдӧмсӧ, мед оз аддзыв кыа петӧмсӧ,

Иов 40:9

сэки Ме ошка тэнӧ, ӧд тэ верман мездыны ачыд асьтӧ.

Иов 41:9

Найӧ сэтшӧма йитчӧмаӧсь, мый торйӧднысӧ он вермы.

Иов 9:4

Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Еремей 12:5

– Еремей, тэ кӧ мудзан подӧн мунысьяскӧд восьлалігӧн, кыдзи тэныд панласьны вӧвъяскӧд? Тэ кӧ крукасьлан-усьласян шыльыд му вывті восьлалігӧн, мый лоӧ тэкӧд Йӧрдан ю ойдігӧн?

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Еремей 50:44

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла вавилонсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.