Иов 4:19 - Коми Библия 2023

¹⁹ Нӧшта этшаджыка на Сійӧ эскӧ муысь вӧчӧм мортлы, сёйысь вӧчӧм чомйын олысьлы, кодӧс позьӧ бырӧдны возйӧс моз.

Иов 4:19 Kruisverwysings

Олӧм 18:27

Ӧвраам шуис воча: «Ме – бус да пӧим, но лысьті шыасьны Тэ дінӧ, Господьӧй.

Олӧм 2:7

Господь Ен вӧчис муысь мортӧс, пӧльыштіс сылы ныр-вомас олӧмыслысь ловсӧ, и морт лоис ловъя олысьӧн.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Иов 10:9

Эн вунӧд, мый Тэ сёйысь вӧчин менӧ, а ӧні бӧр вӧчан менӧ муӧн?

Иов 13:12

Тіян сёрниныд пӧим кодь, дорйысьӧмныд жугалӧм сёй гырнич кодь.

Иов 13:28

Но мортыс сӧмын сісьмантор, сійӧ возйӧн сёйӧм паськӧм кодь.

Иов 14:2

Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.

Иов 22:16

Кадысь водз найӧс вӧлі бырӧдӧма, налысь керкаяссӧ ыджыд ва кылӧдіс.

Иов 25:6

Дерт нин, Сы водзын морт – вегыль кодь, мортсянь чужысь – номыр кодь.

Иов 33:6

Ен водзын ме – тэ кодь жӧ, миянӧс тэкӧд ӧти сёйысь вӧчӧма,

Псалтыр 146:4

Сійӧ тӧдӧ кодзувъяслысь лыдсӧ, быдӧнлы сетӧма торъя ним.

Псалтыр 39:11

Тэнсьыд веськыдлунтӧ ме эг дзеблы, а восьсӧн висьтавлі, мый Тэ эскана Мездысь. Тэнад войтырлӧн ыджыд чукӧртчӧмын ме висьтавлі Тэнад буралӧмыд да збыльыд йылысь.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

2 Коринфӧ 4:7

Тайӧ озырлунсӧ ми новлӧдлам ас пытшканым сёй дозъясын моз, медым петкӧдлыны, мый тайӧ ыджыдсьыс-ыджыд выныс Енмыслӧн, а абу миян.

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

1 Петыр 1:24

Гижӧдыс висьталӧ: – Мортыс – турун кодь, сылӧн мичлуныс – дзоридз кодь. Турун косьмӧ, дзоридз усьӧ,