Иов 39:11 - Коми Библия 2023

¹¹ Сылӧн ыджыд выныс вылӧ ӧмӧй пондан лачатӧ кутны, сы вылӧ ӧмӧй уджъястӧ ӧшӧдан?

Иов 39:11 Kruisverwysings

Олӧм 1:26

Ен шуис: «Вӧчамӧй мортӧс Миян кодьӧн да Миян ногаӧн. Сійӧ мед ыджыдалас саридзса черияс да енэжвыв лэбачьяс вылын, мувыв пемӧсъяс вылын, мувыв гаг-веглясьысьяс вылын да став муыс вылын».

Олӧм 1:28

Ен бурсиис найӧс шуалӧмӧн: «Чужтысьӧй-рӧдмӧй, овмӧдӧй мусӧ да видзӧй сійӧс, ыджыдалӧй саридзса черияс да енэжвыв лэбачьяс вылын, [мувыв пемӧсъяс вылын, став муыс да] му вылас став котралысь-веглясьысь вылын».

Олӧм 42:26

Вокъяс пуктісны нянь мешӧкъяссӧ осёлъяс выланыс да петісны туйӧ.

Олӧм 9:2

Мед став вӧрса [да гортса] пемӧсыс, став енэжвыв лэбачыс, му вылас став котралысь-веглясьысьыс да став саридзса чериыс поласны-тіраласны тіянысь – Ме сета найӧс тіян киӧ.

Иов 39:10

Верман-ӧ тэ сійӧс доддявны, кутас-ӧ сійӧ гӧрны-агсавны тэнсьыд мутӧ?

Иов 39:12

Кутан ӧмӧй эскыны, мый сійӧ ваяс няньтӧ да тэчас гумла вылад?

Псалтыр 144:14

Господь кутыштӧ нюкыртчӧмаӧс, Сійӧ лэптӧ усьӧмаӧс.

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Шусьӧгъяс 14:4

Ӧшкыд кӧ абу, лясниыд куш, ӧшъясыд кӧ ёнӧсь, няньыд уна.

Исай 30:16

Ті шуинныд: «Ми котӧртам вӧвъяс вылын», та вӧсна тіянлы и ковмас пышйыны. Ті шуинныд: «Ми рӧдтам тэрыб вӧвъяс вылын», та вӧсна тіянӧс вӧтӧдысьясныд лоӧны тэрыбӧсь.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 46:1

Усис Вил, муас усис Нево, тайӧ идолъяссӧ кыскӧны ас выланыс мудзӧм пемӧсъяс, бӧлбанъясныд сьӧктӧдӧны найӧс.

Лыд 23:22

Ен петкӧдіс найӧс Египетысь, налӧн вынйӧрыс ӧшлӧн кодь.