19 Кӧні туйыс югыдыслӧн оланінӧ? Кӧні олӧ пемыдыс?
Ва веркӧсті Сійӧ нуӧдіс визь, торйӧдіс югыдсӧ пемыдысь.
Тэ ӧмӧй тӧдан муыслысь пасьтасӧ? Тӧдан кӧ ставсӧ тайӧс, висьтав.
Тэ ӧмӧй пемыдсӧ бӧр нуӧдан оланінас, тэ ӧмӧй тӧдан туйсӧ сылӧн керка дінӧ?
Египетса ӧксы мездіс сійӧс дорӧмысь, войтыръяслӧн юралысь лэдзис сійӧс дзескыдінысь.
Сьӧлӧмнаныс найӧ сирасисны Ваал-Пеор ен дінӧ, сёйисны идолъяслы вайӧм висьяс.
Господьлӧн тшӧктӧмъясыс зарниысь донаджыкӧсь, весиг уна весалӧм зарниысь, найӧ маысь на чӧскыдджыкӧсь.
Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.
Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.
Енэжвывса югзьӧданторъяс тэ весьтысь пемдӧда, сап пемыдӧ вӧйта тэнсьыд мутӧ, – висьталӧ Господь Ыджыдыс.
Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.
Луншӧр кадӧ пемдіс став му пасьталаыс, пемыдыс сулаліс куим часӧдз.
Збыль Югыдыс, быд мортӧс югдӧдысь, локтіс муюгыдас.
Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».
Кор ті видзӧдланныд енэжас да аддзанныд шондісӧ, тӧлысьсӧ да кодзувъяссӧ – став енэжвыв вынсӧ, энӧ ылалӧй, энӧ юрбитӧй-кесъялӧй налы. Господь, тіян Енныд, лэдзис мукӧд войтыръяслы юрбитны налы.
