Иов 2:4 - Коми Библия 2023

⁴ Сӧтана воча шуис Господьлы: «Аслас вир-яй вӧсна мортыд сетас ставсӧ, мый сылӧн эм.

Иов 2:4 Kruisverwysings

Олӧм 47:17

И найӧ вайисны ыж-мӧснысӧ Ӧсиплы. Вӧвъяс, ыжъяс, мӧсъяс да осёлъяс тшӧт весьтӧ Ӧсип сеталіс налы нянь. Во чӧж вердіс найӧс.

Олӧм 47:19

Мыйла миянлы кувнысӧ тэнад син водзын? Мыйла миян муяслы эндынысӧ? Ньӧб миянӧс да миянлысь муяснымӧс, а та пыдди сет миянлы нянь. Асланым муяснаным ми лоам кесйӧг туйынӧсь фараонлы. А тэ сет миянлы кӧйдыс, медым ми ловйӧн колим да эгӧ кулӧй, и медым муясным эз эндыны».

Ӧксыяслӧн 3 небӧг 20:31

Бен-Хададлӧн йӧзыс шуисны сылы: «Ми кывлім, мый израильса ӧксыяс бур сьӧлӧмаӧсь. Лэдз миянлы пасьтавны шогалан паськӧм да сьыліаным ӧшлыны кӧвъяс. Сэсся ми мунам израильса ӧксы дінӧ. Гашкӧ, сійӧ ловйӧн коляс тэнӧ».

Иов 2:3

«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс. Тэ ыззьӧдін Менӧ, медым Ме нинӧм абусьыс бырӧді сійӧс, но сійӧ важ мозыс зумыда кутчысьӧ сӧстӧмлунас».

Иов 2:5

Сӧмын нюжӧд китӧ да инмӧдчыв сылӧн лыӧ да вир-яйӧ, сэки сійӧ омӧльтас Тэнӧ».

Шусьӧгъяс 13:8

Олӧмтӧ видзны озырлуныд отсалӧ, гӧль мортлӧн повзьӧдлысьыс абу.

Еремей 41:8

Но дас мортӧс Измаил эз удит вины, ӧд найӧ шыасисны сы дінӧ: «Эн ви миянӧс! Кар саяс дзебасын миян эм шобді, ид, олив вый да ма».

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Матвей 6:25

«Та вӧсна шуа тіянлы: энӧ майшасьӧй сёян-юан да паськӧм вӧсна. Олӧмныд абу ӧмӧй донаджык сёян-юанысь, а вир-яйныд – паськӧмысь?

Лука 12:23

Олӧмныд ӧд донаджык сёянысь, вир-яйныд – паськӧмысь.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.