Иов 19:23 - Коми Библия 2023

²³ Менсьым кывъясӧс кӧ эськӧ вӧлі гижӧма, небӧгӧ пасйӧма,

Иов 19:23 Kruisverwysings

Иов 19:24

кӧрттувйӧн из вылӧ серлӧдлӧма, нэм кежлӧ свинечӧн мавтӧма.

Иов 31:35

Кывзіс кӧ эськӧ кодкӧ менӧ! Аслам кывъяс улӧ ме кырмася. Ставсӧвермысь мед вочавидзас меным, менӧ Мыжалысь мед гижас мыжалӧмсӧ.

Исай 30:8

Ӧні мун да гиж тайӧс пӧв вылӧ, гиж тайӧс налы небӧгӧ, медым тайӧ гижӧдыс коляс локтана кад кежлӧ, лоӧ пыр да олас нэмъяс чӧж.

Исай 8:1

Господь шуис меным: «Босьт ыджыд пӧв да гиж сэтчӧ гӧгӧрвоана шыпасъясӧн: Магер-Шалал-Хаш-Баз».

Еремей 36:2

«Босьт гижӧд тубрас да гиж сэтчӧ ставсӧ, мый Ме висьтавлі тэныд Израиль войтыр йылысь, Иуда войтыр йылысь да став войтыръяс йылысь сійӧ лунсяньыс, кор Ме шыасьлі тэ дінӧ Иосейлӧн веськӧдлан кадӧ да ӧніӧдз.