Иов 11:3 - Коми Библия 2023

³ Тэнад больгӧмыд ӧмӧй ланьтӧдас мукӧдӧс, тешитчӧмсьыд ӧмӧй тэнӧ некодлы янӧдны?

Иов 11:3 Kruisverwysings

Иов 12:4

Но серамтуйын аслам ёртъяслы ме лои – ме, коді шыасьлі Енмыс дінӧ, и кодлы Сійӧ вочавидзліс. Менӧ, мыжтӧмӧс да веськыда олысьӧс, серамтуйӧ пуктӧны.

Иов 13:4

А ті мичмӧданныд ылӧгсӧ, ті – шогмытӧм бурдӧдысьяс.

Иов 13:9

Бур ӧмӧй лоӧ, кор Сійӧ пондас туявны-тӧдмавны тіянӧс? Пӧръяланныд ӧмӧй Сійӧс мортӧс моз?

Иов 17:2

Лёкӧдысьяс кытшалісны менӧ, меным лоӧ видзӧдны налӧн лӧгалӧм вылӧ.

Иов 21:3

Терпитыштӧй менӧ, лэдзӧй висьтавны, а кор помала, верманныд серавны.

Иов 24:25

Абу-ӧ тадз? Сідзкӧ, коді вермас шуны, мый ме пӧръяся, мый менам сёрниӧй – сӧрӧм?

Иов 34:7

Сюрас-ӧ Иов кодь лёкӧдысь мортыс, кодлы омӧльтӧмыс ва юӧм кодь?

Еремей 15:17

Ме эг пукавлы сералысьяслӧн чукӧртчанінын, эг гажӧдчыв накӧд ӧтвыв. Ме пукавлі ӧтнамӧн, ӧд Тэнад киыд личкис менӧ, Тэ тыртін менӧ скӧрлунӧн.

2 Фессалоникаӧ 3:14

Коді оз вӧч тайӧ гижӧдас висьталӧм серти, сійӧс кутӧй тӧд выланыд. Татшӧм мортыскӧд энӧ кутӧй некутшӧм йитӧд. Тадзи ті янӧданныд сійӧс.

Титлы 2:8

Сёрнит веськыда да тырвыйӧ эскӧд, медым паныд сувтысь яналас да нинӧм лёксӧ оз вермы шуны миян йылысь.

Иуда 1:18

Найӧ шулісны тіянлы, мый бӧръя кадӧ локтасны лёкӧдысьяс, кодъяс олӧны асланыс пеж кӧсйӧмныс серти.