Иов 10:16 - Коми Библия 2023

¹⁶ Муртса лэптышта юрӧс, Тэ лев моз нин вӧтчан ме бӧрся, бара повзьӧдлан менӧ Аслад шензьӧдана выннад.

Иов 10:16 Kruisverwysings

Иов 13:24

Мыйла Тэ дзебан Ассьыд чужӧмтӧ меысь, лыддян менӧ Аслад вӧрӧгӧн,

Иов 16:9

Енлӧн скӧрлуныс косявлӧ менӧ, усьласьӧ ме вылӧ, пиньсӧ йирӧ ме вылӧ, менӧ мустӧмтысь синсӧ сувтӧдӧма ме вылӧ.

Иов 5:9

кодлӧн ыджыд уджъясыс шымыртны вермытӧмӧсь, кодлӧн шензьӧданаторъяслы лыдыс абу.

Исай 38:13

Ме виччыси асылӧдз, а Сійӧ лев моз жуглӧ менсьым лыясӧс. Лун и вой ме виччыси, мый Тэ мӧдӧдан меным олӧм пом.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Бӧрданкыв 3:10

Ош моз Господь кыйӧдӧ менӧ, лев моз Сійӧ кыйӧдчӧ дзебсянінсянь.

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Индӧд 28:59

сэки Господь дойдас тіянӧс да тіянсянь чужысьясӧс дугдывлытӧм бырӧданторъясӧн да бурдлытӧм лёк висьӧмъясӧн.