Иов 10:15 - Коми Библия 2023

¹⁵ Ме кӧ мыжа – курыд шог меным! А мыжтӧм кӧ, весиг сэки ог лысьт юрӧс лэптыны, ме пӧтӧма яналӧмнас, кок йылысь усьмӧн менӧ юкталӧма шогнас.

Иов 10:15 Kruisverwysings

Иов 10:7

Тэ ӧд тӧдан, мый ме абу мыжа, тӧдан, мый некод оз вермы мездыны менӧ Тэнад киысь.

Иов 21:6

Кор ме мӧвпала мекӧд лоӧмтор йылысь, менӧ дзӧрӧм босьтӧ, став вир-яйӧй тіралӧ.

Иов 23:15

Та вӧсна ме пола-тірала Сыысь, Сы йылысь мӧвпалігӧн менӧ полӧм босьтӧ.

Иов 27:7

Менӧ мустӧмтысьлы мед лоас лёк вӧчысьлы моз, меным паныд кыпӧдчысьлы – Индӧд торкысьлы моз.

Иов 6:29

Мӧвпыштӧй да лёксӧ энӧ вӧчӧй, тӧдӧй – ме абу мыжа!

Иов 9:12

Коді сувтӧдас Сійӧс мыйкӧ босьтӧмысь, коді шуас Сылы: «Мый Тэ вӧчан?»

Иов 9:15

Ме кӧ вӧлі мыжтӧм, весиг сэки эг вермы вочавидзны Сылы, ме верми сӧмын корны Ёрдысьӧс лоны бур сьӧлӧмаӧн ме дінӧ.

Иов 9:29

Менӧ кӧ мыждӧма нин, мыйла меным весьшӧрӧ дорйысьнысӧ?

Псалтыр 44:16

Найӧс вайӧдӧны долыда нимкодясьӧмӧн, гажӧдчигтырйи найӧ пырӧны ӧксылӧн керкаӧ.

Псалтыр 9:17

Господьӧс тӧдмалӧны Сылӧн веськыда мыждӧмыс серти – лёк вӧчысь шедӧ аслас киӧн вӧчӧм налькйӧ.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Бӧрданкыв 1:20

Господьӧй, видзӧдлы, кутшӧм меным сьӧкыд! Тэныд пыксьӧмӧй вӧсна менам пытшкӧсӧй шызьӧма, сьӧлӧмӧй тіралӧ. Ывлаын шыпурт бырӧдіс челядьӧс, керкаӧ кулӧм овмӧдчис.

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Лука 17:10

Тадзи тшӧтш ті, вӧчанныд кӧ тшӧктӧм серти, вӧчӧм бӧраныд шуӧй: ”Ми сӧмын кесйӧгъяс. Мый колӧ вӧлі вӧчны, ми вӧчим”».