Иов 1:5 - Коми Библия 2023

⁵ Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Иов 1:5 Kruisverwysings

Олӧм 22:3

Ӧвраам чеччис водз, босьтіс осёлсӧ, кык кесйӧгӧс да Исаак писӧ. Сэсся поткӧдліс пес, медым вайны сотан вись, да мӧдӧдчис сэтчӧ, кытчӧ тшӧктіс сылы Ен.

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Ӧксыяслӧн 3 небӧг 18:31

Сійӧ босьтіс дас кык из – Яковсянь петӧм чужанкотыръяслӧн лыдыс серти. Яковлы коркӧ Господь шуис: «Тэнад нимыд лоӧ Израиль».

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 3 небӧг 21:13

Локтісны кык шогмытӧм морт да пуксисны Навотлы воча. Став йӧз водзас найӧ шуалісны: «Навот омӧльтіс Енмӧс да ӧксыӧс». Сэсся Навотӧс петкӧдісны кар сайӧ да кувтӧдзыс изъялісны.

Неемий 12:30

Попъяс да левитъяс асьныс сӧстӧммӧдчисны, сэсся сӧстӧммӧдісны войтырсӧ, карса дзиръяяс да стенъяс.

Иов 1:11

Но Тэ кӧ нюжӧдан китӧ да босьтан ставсӧ, мый сылӧн эм, сійӧ омӧльтас Тэнӧ».

Иов 1:4

Иовлӧн пияныс тшӧкыда чукӧртчывлісны ӧта-мӧд ордас. Быдӧн ас кадӧ аслас керкаын лӧсьӧдліс гаж, корліс сёйны-юны тшӧтш куимнан чойсӧ.

Иов 2:9

Гӧтырыс шуис сылы: «Тэ век на кутчысян аслад сӧстӧмлунӧ? Омӧльт Енсӧ и кув».

Иов 27:10

Сійӧ оз кут нимкодясьны Ставсӧвермысьӧн, оз шыась Енмыс дінӧ.

Иов 41:25

Левиафан кодь мӧдыс му вылас абу, сійӧ нинӧмысь оз пов,

Иов 42:8

Та вӧсна босьтӧй сизим ӧшкӧс, сизим межӧс да мунӧй Менам Иов кесйӧг дінӧ. Вайӧй ас вӧснаныд сотан вись, а Менам Иов кесйӧгӧй кевмысяс тіян вӧсна. Ме сибӧда сылысь кевмысьӧмсӧ – тадзи тіянӧс ог янӧд сыысь, мый ті энӧ висьталӧй збыльсӧ Ме йылысь, кыдзи вӧчис Менам Иов кесйӧгӧй».

Иов 6:14

Мортыс кӧ полӧ Ставсӧвермысь Енмысь, сійӧ оз эновт сьӧкыдалысь ёртсӧ.

Иов 8:4

Тэнад пияныд кӧ мыж вӧчисны Сылы паныд, Сійӧ мынтысис налы мыжныс серти.

Псалтыр 5:3

Менам Енмӧй да Ӧксыӧй, кыв менсьым гораа бӧрдӧмӧс, ӧд ме кевмыся Тэныд.

Петӧм 18:12

Мӧисейлӧн Иофор тесьтыс вайис Енлы сотан да мукӧд висьяс. Аарон да став израильса юрнуӧдысьяс локтісны да Мӧисейлӧн тесьтыскӧд сёйисны Ен водзын.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Лука 1:75

кесъявны Сылы вежалунӧн да веськыда став олӧм чӧжным.

Лука 18:7

А Енмыс ӧмӧй оз дорйы Ассьыс бӧрйӧмаяссӧ, кодъяс лун и вой корӧны отсӧгсӧ Сылысь? Сёрмас ӧмӧй Сійӧ сетны отсӧгсӧ?

Иоан 11:55

Матыстчис иудейяслӧн Ыджыд лун. Сиктъясысь унаӧн локтісны Ерусалимӧ, медым сӧстӧммӧдчыны Ыджыд лун водзвылын.

Ап. уджъяс 21:26

Сэки Павел босьтіс аскӧдыс тайӧ йӧзсӧ да мӧд луннас сӧстӧммӧдчис накӧд. Сэсся муніс крамӧ да висьталіс, кор помасясны налӧн сӧстӧммӧдчан лунъясыс да кор лоӧ вайӧма быдӧн вӧсна вись.

Ап. уджъяс 8:22

Бергӧдчы аслад лёк вӧчӧмысь да кевмысь Енлы, гашкӧ, Сійӧ прӧститас тэнсьыд лёк мӧвптӧ.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Ӧксыяслӧн 1 небӧг 16:5

Самуил вочавидзис: «Бурӧн. Ме локті Господьлы вись вайны. Вежӧдӧй-сӧстӧммӧдӧй асьнытӧ да мунамӧй мекӧд тшӧтш вись вайны». Самуил вежӧдіс Ессейӧс, сылысь пиянсӧ да корис найӧс сёйны.