Иов 1:3 - Коми Библия 2023

³ Овмӧсыс вӧлі зэв ыджыд: сизим сюрс ыж-кӧза, куим сюрс верблюд, сюрс доддялан ӧш, витсё энь осёл да зэв уна кесйӧг. Асыввыв муын Иов вӧлі медся нималана мортӧн.

Иов 1:3 Kruisverwysings

Олӧм 12:16

Сара вӧсна фараон вӧлі бур сьӧлӧма Ӧврам дінӧ. Сійӧ сетіс Ӧврамлы ыжъясӧс, мӧсъясӧс, осёлъясӧс, верблюдъясӧс, кесйӧг айуловӧс да аньясӧс.

Олӧм 12:5

Ӧврам босьтіс Сара гӧтырсӧ, вокыслысь Лот писӧ, став эмбурсӧ, йӧзӧс, кодъяс кесъялісны налы Харанын, да мӧдӧдчис Ханаан муӧ. Ханаанӧ воӧм бӧрын

Олӧм 13:6

Ыджыд овмӧс-эмбурныс вӧсна налы лои дзескыд ӧтвыв овнысӧ.

Олӧм 24:35

Господь ёна бурсиис менсьым ыджыдӧс да сетіс сылы уна озырлун: ыжъясӧс да мӧсъясӧс, эзысь да зарни, кесйӧг айуловӧс да аньясӧс, верблюдъясӧс да осёлъясӧс.

Олӧм 25:6

Олігас на сійӧ сеталіс козинъяс кесйӧг-гӧтыръясыслӧн пияныслы да ыстіс найӧс Исаак пи дорсьыс ылӧджык, асыввыв муясӧ.

Олӧм 29:1

Яков мӧдӧдчис асыввывса войтырлӧн муясӧ [арамей Бетуэллӧн Лаван пиыс дінӧ, коді вӧлі Ревеккалӧн вокыс, Яковлӧн да Исавлӧн чожныс].

Олӧм 32:14

кыксё кӧзаӧс, кызь ай кӧзаӧс, кыксё ыжӧс, кызь межӧс,

Олӧм 34:23

Ми кӧ вӧчам на ног, найӧ кутасны овны миянкӧд. Налӧн ыж-мӧсныс да эмбурныс тшӧтш лоӧ миян».

Ӧксыяслӧн 2 небӧг 12:2

Озырлӧн вӧлі уна ыж-мӧс,

Ӧксыяслӧн 3 небӧг 4:30

Соломонлӧн мывкыдлуныс вӧлі ёна ыджыдджык асыввылын олысь да Египетын олысь мывкыда йӧзлӧн дорысь.

Ӧксыяслӧн 4 небӧг 15:20

Эзысьсӧ Менаим чукӧртіс израильса озыр йӧзлысь. Быдӧнлы колӧ вӧлі вайны ветымын сикель эзысь, мед сетны ассурса ӧксылы. Та бӧрын ассурса ӧксы эновтіс Израиль му да бӧр муніс аслас муӧ.

Ӧксыяслӧн 4 небӧг 3:4

Моавса Мешай нима ӧксылӧн вӧлі зэв уна ыж-меж. Сійӧ ыстыліс вот пыдди израильса ӧксылы сё сюрс баля да сё сюрс шыртӧм меж.

1 Каднебӧг 27:30

Верблюдъяс вӧсна кывкутіс Измаилсянь чужысь Овил, осёлъяс вӧсна – Меронотысь Ехдей,

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

2 Каднебӧг 32:29

Сійӧ лэптіс аслыс каръяс, сылӧн вӧлі лыдтӧм-тшӧттӧм ыж-мӧс, ӧд Енмыс сетіс сылы уна озырлун.

Иов 1:10

Тэ ӧд быд боксянь кытшалӧмыд сійӧс, сылысь гортсасӧ да став овмӧссӧ. Тэ бурсиан сылысь быд удж, сылӧн ыж-мӧскыс рӧдмӧ-содӧ.

Иов 1:4

Иовлӧн пияныс тшӧкыда чукӧртчывлісны ӧта-мӧд ордас. Быдӧн ас кадӧ аслас керкаын лӧсьӧдліс гаж, корліс сёйны-юны тшӧтш куимнан чойсӧ.

Иов 21:28

Ті юаланныд, кӧні ӧні нималана мортлӧн керкаыс, кӧні лёк вӧчысьяслӧн оланіныс?

Иов 29:25

Ме индылі налы туйсӧ, вӧлі налы юралысьӧн, олі накӧд, кыдзи тышкайӧз пӧвстын ӧксы, вӧлі бурӧдысьӧн бӧрдысьяслы.

Иов 31:25

Ме ӧмӧй нимкодясьлі, мый менам уна озырлун, мый сы мындасӧ ме аслам киӧн шедӧді?

Иов 31:37

висьталі эськӧ Енлы аслам быд воськов йылысь, ӧксы моз эськӧ матыстчи Сы дінӧ.

Иов 42:10

сылӧн ёртъясыс вӧсна. Та бӧрын Господь сетіс Иовлы ставсӧ кык пӧв унджык, мый сылӧн вӧлі водзынсӧ.

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Шусьӧгъяс 10:22

Господьлӧн бурсиӧмыс озырмӧдӧ, аслад уджӧн тэ нинӧм он содты аслыд.

Еремей 49:28

Кедарлӧн рӧд йылысь да хацорса войтыръяс йылысь, кодъясӧс пасьвартіс вавилонса Навукодоносор ӧксы, Господь тадзи висьталӧ: – Чеччӧй, тышӧ петӧй Кедарлы паныд, бырӧдӧй асыввывса олысьясӧс.

Лыд 23:7

Валаам шуис татшӧм кывъяс: – Арамысь, асыввывса керӧсъясысь, менӧ вайӧдіс Валак, моавса ӧксы. Шуис, лок пӧ да ёр Яковӧс, лёкӧд Израиль войтырӧс.

Ёрдысьяс 6:3

Израильсаяслӧн сӧмын на кӧдзӧм муяс вылӧ вӧлі локтӧны мадиансаяс, амалик войтыр да накӧд асыввылын олысь войтыръяс,

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.

Ёрдысьяс 8:10

Зевей да Салман ӧксыяс сэки вӧліны Каркор карын. Накӧд вӧлі дас вит сюрс морт, кодъяс колисны асыввыв войтыръяслӧн тышкайӧз пӧвстысь. А налӧн сё кызь сюрс тышкаморт усис тышын.

Ӧксыяслӧн 1 небӧг 25:2

Маон карын оліс зэв озыр морт. Кармил карын сылӧн вӧлі ыджыд овмӧс: куим сюрс ыж да ӧти сюрс кӧза. Буретш сэні сійӧ шырис ассьыс ыжъяссӧ.

Ӧксыяслӧн 1 небӧг 27:9

Давид пазӧдліс тайӧ муяссӧ, виавліс сэтчӧс айуловӧс и аньясӧс, а налысь ыж-мӧссӧ, осёлъяссӧ, верблюдъяссӧ да став кӧлуйсӧ босьтліс аскӧдыс. Быд пӧрйӧ тышысь воӧм бӧрти Давид петкӧдчывліс Акишлы.