Иов 1:11 - Коми Библия 2023

¹¹ Но Тэ кӧ нюжӧдан китӧ да босьтан ставсӧ, мый сылӧн эм, сійӧ омӧльтас Тэнӧ».

Иов 1:11 Kruisverwysings

Олӧм 26:11

Авимелек йӧзӧдіс войтырыслы тшӧктӧм, мый виӧма лоӧ сійӧс, коді инмӧдчас Исаак да сылӧн гӧтырыс дінӧ.

Иов 1:12

Господь шуис сӧтаналы: «Ставыс, мый сылӧн ӧні эм, лоӧ тэнад киын, сӧмын сійӧс асьсӧ эн вӧрӧд». Та бӧрын сӧтана вешйис Господь водзысь.

Иов 1:21

Иов шуис: – Пасьтӧг ме петі мам кынӧмысь, пасьтӧг и бӧр муна. Господь сетіс, Господь и бӧр босьтіс. [Ӧд тадзи вӧлі шогмана Господьлы.] Мед лоӧ ошкӧма Господьлысь нимсӧ!

Иов 1:5

Кор став сизимнан пи ордас вӧлі пасйӧма гажсӧ, Иов корліс пиянсӧ ас ордас, медым вежӧдны-сӧстӧммӧдны найӧс. Сійӧ чеччыліс водз асывнас да быдӧн вӧсна торйӧн вайліс сотан вись. [Нӧшта ӧти ӧшкӧс вайліс ставныслӧн мыж вӧсна.] Иов мӧвпаліс, гашкӧ пӧ, пиянӧй гажӧдчиганыс мыжмисны да сьӧлӧманыс сералісны Енсӧ. Иов быд пӧрйӧ тадзи вӧчліс.

Иов 19:21

Ёртъясӧй, жалитыштӧй менӧ, ӧд Енлӧн киыс инмӧдчис ме дінӧ.

Иов 2:3

«Казялін-ӧ Менсьым Иов кесйӧгӧс? – юаліс Господь. – Му вылас ӧд сы кодь мӧдыс абу. Сійӧ сӧстӧм сьӧлӧма веськыд морт, полӧ Енсьыс да ӧтдортчӧ лёксьыс. Тэ ыззьӧдін Менӧ, медым Ме нинӧм абусьыс бырӧді сійӧс, но сійӧ важ мозыс зумыда кутчысьӧ сӧстӧмлунас».

Иов 2:5

Сӧмын нюжӧд китӧ да инмӧдчыв сылӧн лыӧ да вир-яйӧ, сэки сійӧ омӧльтас Тэнӧ».

Иов 2:6

Господь шуис сӧтаналы: «Сета сійӧс тэнад киӧ, сӧмын олӧмсӧ сылысь эн босьт».

Иов 2:7

Сӧтана муніс Господь водзысь да чорыда дойдіс Иовӧс висьӧмӧн. Сылӧн юр пыдӧссяньыс кок чунь йылӧдзыс петалісны орзьӧм мыльяс.

Иов 2:9

Гӧтырыс шуис сылы: «Тэ век на кутчысян аслад сӧстӧмлунӧ? Омӧльт Енсӧ и кув».

Иов 4:5

А ӧні тэнӧ суис сьӧкыдыс, и тэ нюкыртчин, шогыс инмӧдчис тэӧ, и тэ ловнад усин.

Псалтыр 105:15

Енмыс сетіс налы корӧм сертиныс, но мӧдӧдіс сьӧкыд висьӧм.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 65:3

Ме нюжӧдлі киӧс войтыр дінӧ, коді яндысьтӧг дӧзмӧдліс Менӧ. Расъясын найӧ вайӧны висьяс, тшынӧдчӧны кирпичысь вӧчӧм висьпуктанін вылын,

Исай 8:21

Тайӧ войтырыс кутас шӧйтны му вывті, найӧс кутасны чорыда дзескӧдны, найӧ пондасны ёна тшыгъявны, а тшыгъяліганыс найӧ пондасны лёкӧдны ассьыныс ӧксысӧ да Енсӧ.

Закар 2:8

Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.

Восьтӧм 16:11

да лёкӧдісны енэжвывса Енмӧс тайӧ дойяссьыс да мучитчӧмсьыс, но асланыс лёк уджъясысь эз бергӧдчыны.

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Восьтӧм 16:9

Ёна пӧжӧмысла йӧзыс сотчисны да лёкӧдісны Енлысь нимсӧ, ӧд тайӧ бырӧданторъясыс вӧліны Енсянь. Но йӧзыс эз бергӧдчыны Енлань да эз ошкыны Сійӧс.