Иона 4:3 - Коми Библия 2023

³ Та вӧсна, Господьӧй, босьт менсьым лолӧс – бурджык меным кувны олӧм дорысь».

Иона 4:3 Kruisverwysings

Ӧксыяслӧн 3 небӧг 19:4

ачыс муніс овтӧминӧ лунтыр мунан ылнаӧ да пуксис пу улӧ. Сэні пондіс кевмыны аслыс кулӧм: «Тырмас, Господьӧй, меным овнысӧ. Босьт менсьым лолӧс, ме ӧд абу бурджык аслам батьяс дорысь».

Еклесиаст 7:1

Бур нималӧмыд бурджык дона выйысь, кулан луныд – чужан лунысь.

Еклесиаст 7:9

Эн тэрмась скӧрмыны, ӧд скӧрлуныс поздысьӧ вежӧртӧмлӧн сьӧлӧмӧ.

Еремей 8:3

А тайӧ лёк йӧз пӧвстсьыс ловйӧн кольӧмаяслы кулӧмыс лоӧ мусаджык олӧм дорсьыс. Тадзи лоӧ быдлаын, кытчӧ Ме вӧтла найӧс, – висьталӧ Господь Саваоф».

Иона 4:4

Господь юаліс: «Тайӧ ӧмӧй тэнӧ сэтшӧма скӧрмӧдіс?»

Иона 4:8

А кор петіс шонді, Ен ыстіс чизыр асыв тӧв. Шонді пӧжис Ионалысь юрсӧ. Сійӧ дзикӧдз лёшмуніс да виччысис кулӧм. Иона шуаліс: «Бурджык меным кувны олӧм дорысь».

Лыд 11:15

Татшӧм олӧм дорысь бурджык лоӧ, виан кӧ менӧ. Ло бур сьӧлӧма да ви менӧ, медым помасяс менам шогӧй!»

Лыд 20:3

шуасисны Мӧисей вылӧ: «Бурджык эськӧ вӧлі, ми кӧ тшӧтш кулім, кор вокъясным кулісны Господь водзын!

1 Коринфӧ 9:15

Но ме некор тадзи эг вӧчлы. Ме гижа та йылысь ог аслым мыйкӧ босьтӧм могысь, ӧд бурджык меным кувны тадзи вӧчӧм дорысь! Но тайӧн ошйысьӧмысь некод оз вермы дугӧдны менӧ.