Иона 1:4 - Коми Библия 2023

⁴ Но Господь ыстіс саридз вылӧ ыджыд тӧвныр. Кыптіс бушков, саридз гызис, и корабль вӧлі жугласянвыйын.

Иона 1:4 Kruisverwysings

Псалтыр 135:6

Сійӧ зумыда сувтӧдіс мусӧ ваяс вылӧ, Сылӧн буралӧмыс оз помасьлы.

Псалтыр 135:7

Сійӧ вӧчис ыджыд югзьӧданторъяс, Сылӧн буралӧмыс оз помасьлы.

Псалтыр 148:8

Ошкӧй Сійӧс, би и шер, лым и ру, ошкы, Сылӧн тшӧктӧм серти пӧльтысь ыджыд тӧвныр!

Петӧм 10:13

Мӧисей лэптіс бедьсӧ Египет вылӧ, и Господь кыпӧдіс асыв тӧв. Тӧлыс шувгис лунтыр, шувгис войбыд, и мӧд асывнас вайис саранчаӧс.

Петӧм 10:19

Рытыввывсянь Господь кыпӧдіс ён тӧвныр, и тӧлыс лэбӧдіс саранчаӧс Гӧрд саридзӧ. Египет му пасьтала весиг ӧти саранча эз коль.

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Петӧм 15:10

Тэ пӧльыштін, и саридзыс вевттис найӧс, свинеч моз найӧ вӧйисны джуджыд ваӧ.

Еремей 51:16

Кор Сійӧ сетӧ гӧлӧс шысӧ, ваыс енэжас гораа ызгӧ. Му помсяньыс Сійӧ кыпӧдӧ кымӧръяс, мӧдӧдӧ чардби да зэр, Аслас видзанінысь лэдзӧ тӧвныр.

Амос 4:13

Со, Сійӧ вӧчис керӧсъяссӧ, артмӧдіс тӧвсӧ. Сійӧ висьталӧ мортлы Ассьыс кӧсйӧмсӧ. Асъя югыдсӧ Сійӧ вежӧ пемыдӧн, ветлӧдлӧ керӧсъяс вывті. Сылӧн нимыс – Господь, Ен Саваоф.

Лыд 11:31

Господь кыпӧдіс тӧвныр, и саридзсянь тӧвнырыс вайис квайтпалич пӧткаясӧс. Пӧткаясыс пуксялісны чомъяс гӧгӧр кык гырддза судта. Чомъяссянь лунтыр мунан ылнаӧдз быдлаын вӧлі пӧтка.