Иона 1:3 - Коми Библия 2023

³ Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.

Иона 1:3 Kruisverwysings

Олӧм 3:8

Рытгорувнас найӧ кылісны, кыдзи Господь Ен ветлӧдліс сад йӧрын. Адам гӧтырыскӧд дзебсис пуяс сайӧ Господь Енлӧн чужӧмбанысь.

Олӧм 4:16

Каин мӧдӧдчис Господьлӧн чужӧмбан водзысь Нод муӧ, Эдэмсянь асыввылӧ, да овмӧдчис сэтчӧ.

Ӧксыяслӧн 3 небӧг 19:3

Илля повзис. Сійӧ чеччис да петіс туйӧ, мед ловйӧн кольны. Сійӧ воис иудаса Бер-Шева карӧ. Сэтчӧ колис ассьыс кесйӧгсӧ,

Ӧксыяслӧн 3 небӧг 19:9

Сэні сійӧ узьмӧдчис кырта горсйӧ. Войнас сылы вӧлі Господьсянь кыв. Господь шуис: «Илля, тэ мыйла тані?»

2 Каднебӧг 2:15

Мӧдӧд аслад кесйӧгъяслы шобді, ид, вый да вина, мый йылысь тэ висьтавлін, менам ыджыдӧй.

2 Каднебӧг 2:16

А ми кутам Ливанын пӧрӧдны вӧр, мыйта тэныд колӧ, а сэсся пуръясӧн кылӧдам саридз кузя Иоппияӧдз. Сэсянь тэ нуан найӧс Ерусалимӧ».

2 Каднебӧг 9:21

Соломон ӧксылӧн корабльяс вылын сылӧн йӧзыс Хирамлӧн йӧзкӧд кывтлісны Фарсисӧ. Куим во пытшкас ӧтчыдысь найӧ вайлісны сэтысь зарни-эзысь, слӧн лы, ӧблезянаясӧс да павлинъясӧс.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

Иов 1:12

Господь шуис сӧтаналы: «Ставыс, мый сылӧн ӧні эм, лоӧ тэнад киын, сӧмын сійӧс асьсӧ эн вӧрӧд». Та бӧрын сӧтана вешйис Господь водзысь.

Иов 2:7

Сӧтана муніс Господь водзысь да чорыда дойдіс Иовӧс висьӧмӧн. Сылӧн юр пыдӧссяньыс кок чунь йылӧдзыс петалісны орзьӧм мыльяс.

Исай 2:16

фарсисса корабльяс да став налысь дона эмбурсӧ.

Исай 23:1

Тир йылысь водзвыв висьталӧм. Ырзӧмӧн бӧрдӧй, фарсисса корабльяс! Карыс киссьӧма, эз кольны керкаяс. Та йылысь ті кылінныд Киттим муысь бергӧдчигӧн.

Исай 23:10

Фарсисын олысьяс, ӧні тіян мытшӧдыс абу, ойдӧм ю моз паськӧдчӧй асланыд муын.

Исай 23:6

Саридз дорын олысьяс, ырзӧмӧн бӧрдӧй, мунӧй да овмӧдчӧй Фарсисӧ!

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Еремей 10:9

Фарсисысь вайӧны эзысь, Уфазысь – зарни, вӧчасьысьяс вӧчӧны бӧлбанъясӧс, пасьтӧдӧны найӧс гӧрдовлӧз да пемыдгӧрд паськӧмӧ. Ставыс тайӧ – кужысь мортлӧн вӧчӧмторъяс.

Езекиль 2:8

Морт пиӧй, кывзы, мый Ме висьтала тэныд. Эн ло тайӧ войтырыс кодь асныра. Восьт вомтӧ да сёй, мый Ме сета тэныд».

Езекиль 27:12

Тэнад вӧлі уна вузӧс, та вӧсна Фарсис ньӧбасис тэнсьыд. Сійӧ мынтысьліс тэныд эзысьӧн, кӧртӧн, свинечӧн да озысьӧн.

Езекиль 3:14

Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Иона 1:10

Кывтысьясӧс ыджыд полӧм босьтіс. Найӧ тӧдісны, мый Иона пышйӧ Господьысь, ӧд сійӧ висьтавліс налы та йылысь. Та вӧсна пондісны шуасьны Иона вылӧ: «Мый тэ вӧчин!»

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Лука 9:62

Сылы Исус вочавидзис: «Гӧрйӧ кутчысьысь кӧ видзӧдӧ бӧрлань, сійӧ оз шогмы пырны Енлӧн Юраланінӧ».

Ап. уджъяс 15:38

Но Павел эз кӧсйы босьтны Маркӧс, коді эновтіс найӧс Памфилияын, эз мун накӧд водзӧ, мед ӧтвылысь уджавны-кесъявны.

Ап. уджъяс 26:19

Та вӧсна, Агриппа ӧксы, ме эг кут паныд сувтны енэжсянь петкӧдчылӧмлы.

Ап. уджъяс 9:36

Иоппияын оліс Тавита ань, сылӧн нимыс лоӧ: газель. Тайӧ аньыс тшӧтш вӧлі велӧдчысьяс лыдын. Уна бур сійӧ вӧчис йӧзыслы, отсасис гӧльяслы.

Ап. уджъяс 9:38

Велӧдчысьяс кор кылісны, мый Петыр Лиддаын, Иоппиясянь неылын, мӧдӧдісны кык мортӧс корны Петырӧс, мед сійӧ дзик пыр локтас на дінӧ.

Ап. уджъяс 9:42

Та йылысь кывсис став Иоппия пасьтала, и унаӧн сэки эскисны Господьлы.

Ап. уджъяс 9:43

Петыр дыркодь на оліс Иоппияын кучик вӧчысь Симон ордын.

1 Коринфӧ 9:16

Ме кӧ висьтавла Бур Юӧр, меным нинӧмӧн ошйысьнысӧ, ӧд тайӧс меным Енмыс тшӧктіс вӧчны. Курыд шог меным, ог кӧ висьтавлы сійӧс!

2 Фессалоникаӧ 1:9

Найӧс лоӧ мыждӧма пыр кежлӧ кулӧм вылӧ, торйӧдӧма Господьысь, Сылӧн дзирдлунысь да вынысь.

Нав Исус 19:46

Ме-Яркон да Ракон каръяс, а сідзжӧ Иоппия да сыгӧгӧрса сиктъяс. Но Дансянь чужысьяс воштісны ассьыныс мусӧ.