Иона 1:2 - Коми Библия 2023

² «Мун Ниневияӧ, тайӧ ыджыд карас, да юӧрт сэні йӧзыслы, мый Ме мыжда найӧс. Налӧн лёк вӧчӧмъяс йылысь юӧрыс воис Менам пельӧдз».

Иона 1:2 Kruisverwysings

Олӧм 10:11

Сэтысь Нимрод вуджис Ассурӧ, лэптіс Ниневия, Реховот-Ир да Калах каръяс.

Ӧксыяслӧн 4 небӧг 19:36

Сэки ассурса Сеннахирим ӧксы бӧр бергӧдчис аслас муӧ Ниневия карӧ да кольччис сэтчӧ.

2 Каднебӧг 28:9

Самарияын оліс Господьлӧн Одед нима пророк. Сійӧ воча петіс Самарияӧ локтысь тышкайӧзлы да шуис налы: «Господь, тіян батьяслӧн Ен, скӧрмис Иуда войтыр вылӧ да сетіс найӧс тіян киӧ. Ті виалінныд найӧс сэтшӧм скӧрлунӧн, мый тайӧ воис весиг енэжӧдзыс.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Исай 37:37

Сэки ассурса Сеннахирим ӧксы бӧр бергӧдчис аслас муӧ Ниневия карӧ да кольччис сэтчӧ.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Еремей 20:9

Ме шуи аслым, мый ог кут казьтывлыны Господь йылысь, ог кут висьтавлыны Сылӧн нимсянь. Но менам сьӧлӧмӧй биӧн ыпъяліс, менсьым лыясӧс сотіс, ме мудзи кутнысӧ, водзӧ ог вермы.

Езекиль 2:7

Кывзас-ӧ тэнӧ тайӧ асныра войтырыс либӧ оз, висьтав налы Менсьым кывъясӧс.

Осий 7:2

Найӧ оз вежӧртны, мый налысь лёк уджъяссӧ Ме тӧд вылын кута. Ӧні налӧн уджъясныс кытшалӧмаӧсь найӧс, налӧн лёк вӧчӧмныс Менам чужӧмбан водзын.

Иона 3:2

«Мун Ниневияӧ, тайӧ ыджыд карас, да юӧрт сэні, мый Ме тшӧкта».

Иона 3:3

Иона кывзысис Господьлысь да муніс Ниневияӧ. Ниневия вӧлі зэв ыджыд кар. Куим лун колӧ вӧлі, мед мунны помсянь помӧдзыс.

Иона 4:11

Менам сьӧлӧмӧй тшӧтш шогсьӧ Ниневия вӧсна, тайӧ ыджыд карыс вӧсна. Сэні сё кызь сюрсысь унджык олысь, кодъяс оз кужны торйӧдны шуйга кинысӧ веськыдсьыныс. Нӧшта сэні уна пемӧс на эм».

Микей 3:8

А ме тырӧма вынӧн да Господьлӧн Лолӧн, веськыдлунӧн да вынйӧрӧн, медым Яков рӧдлы юӧртны сылӧн лёк вӧчӧм йылысь, Израиль войтырлы – сылӧн мыж йылысь.

Наум 1:1

Ниневия йылысь водзвыв висьталӧм. Элкошысь Наумлы Енсянь восьтӧм йылысь небӧг.

Наум 3:19

Тэнсьыд дойястӧ некод оз бурдӧд, найӧ ёна висьӧны. Тэ йылысь юӧрсӧ кылысьяс кутасны клопайтны, ӧд унаӧн тӧдлісны тэнсьыд куслытӧм скӧрлунтӧ.

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Матвей 12:41

Ниневия карын олысьяс сувтасны мыждан лунӧ ӧнія олысьяскӧд да мыжаласны найӧс. Ӧд Ионалӧн юӧртӧм бӧрын ниневияса йӧз бергӧдчисны асланыс мыжъясысь. Но тані тіянкӧд Сійӧ, коді Иона дорысь ыджыдджык.

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Восьтӧм 18:5

Ӧд сылӧн мыжъясыс кыптӧны енэжӧдзыс, и Енмыс оз вунӧд сылысь лёк вӧчӧмсӧ.