Йоиль 3:2 - Коми Библия 2023

² Ме чукӧрта войтыръясӧс да вайӧда найӧс Иосафат ковтысӧ. Сэні Ме кута мыждыны найӧс Аслам Израиль войтыр вӧсна да Аслам му вӧсна сыысь, мый войтыръяс пӧвстӧ разӧдісны Менсьым войтырӧс, юклісны Менсьым муӧс.

Йоиль 3:2 Kruisverwysings

2 Каднебӧг 20:26

Нёльӧд луннас найӧ чукӧртчисны Берака ковтысын, и сэні найӧ ошкисны Господьӧс. Та вӧсна ӧнӧдз тайӧ ковтыссӧ шуӧны Берака ковтысӧн.

Исай 66:16

Став ловъя олысьсӧ Господь мыждас биӧн, быд мортӧс – Аслас шыпуртӧн, и унаӧс лоӧ бырӧдӧма Господьлӧн ки помысь.

Исай 66:18

Ӧд Ме тӧда налысь уджъяссӧ, тӧда налысь мӧвпъяссӧ. Ме локта да чукӧрта войтыръясӧс да быд кыла йӧзӧс. Найӧ локтасны да аддзасны Менсьым дзирдлунӧс.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 25:31

Му помӧдзыс кылас Господьлӧн горзӧмыс, ӧд Сійӧ пондас мыждыны войтыръясӧс. Сійӧ вайӧдас став йӧзсӧ ёрд водзӧ, сетас лёк вӧчысьясӧс шыпурт улӧ, – висьталӧ Господь.

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Езекиль 25:8

Господь Ыджыдыс тадзи висьталӧ: моавсаяс да Сеир керӧсвыв муын олысьяс шуӧны, Иуда войтыр пӧ оз торъяв мукӧд войтыръясысь.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Езекиль 35:10

Ті шуинныд, Израильлӧн кыкнан муыс да кыкнан войтырыс пӧ миян лоӧны. Ми пӧ босьтам налысь мусӧ, мед кӧ весиг Господь сэні.

Езекиль 36:1

«Морт пиӧй, пророкав Израиль керӧсъяслы: Израиль керӧсъяс, кывзӧй Господьлысь кывсӧ!

Езекиль 36:5

Господь Ыджыдыс тадзи висьталӧ: Аслам ыпъялан скӧрлунӧн Ме сёрнита Эдом войтырлы паныд да мукӧд войтыръяслы паныд. Менсьым муӧс найӧ босьтісны аслыныс, лӧгпырысь нимкодясьӧмӧн да мустӧмтӧмӧн куштісны сійӧс.

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Езекиль 39:11

Сійӧ лунӧ Ме сета Гоглы дзебанін Израиль муысь, Ветлысь-мунысьяслӧн ковтысысь, саридзсянь асыввылысь. Ковтыссӧ кутасны нимтыны Гог тышкайӧзлӧн ковтысӧн, ӧд найӧс дзебасны сэтчӧ. Налӧн шойнаыс тупкас ветлысь-мунысьяслысь туйсӧ.

Йоиль 3:12

Мед кыпӧдчасны войтыръяс, мед локтасны Иосафат ковтысӧ. Сэні Ме пукся, медым мыждыны войтыръясӧс.

Йоиль 3:14

Унасьыс-уна йӧз чукӧртчӧма мыждан ковтысӧ, ӧд Господьлӧн луныс матыстчӧ ковтыслань.

Амос 1:11

Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.

Микей 4:12

Но найӧ оз тӧдны Господьлысь мӧвпъяссӧ, оз гӧгӧрвоны Сылысь кӧсйӧмсӧ, мый Сійӧ чукӧртіс найӧс гумла вылӧ кольтаясӧс моз.

Софоний 3:8

Сідзкӧ, виччысьӧй Менӧ, – висьталӧ Господь, – виччысьӧй сійӧ лунсӧ, кор Ме сувта мыждыны. Ӧд Ме шуи, мый чукӧрта войтыръясӧс, медым кисьтны на вылӧ Ассьым лӧглунӧс, ыпъялысь скӧрлунӧс. Менам скӧрлуна биӧн лоӧ сотӧма став мусӧ.

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 16:14

Тайӧ вӧліны мутияслӧн ловъясыс, кодъяс вӧчисны шензьӧданаторъяс. Найӧ мунісны мувывса став ӧксыыс дінӧ, медым чукӧртны ӧксыясӧс тыш вылӧ Ставсӧвермысь Енлӧн лунӧ.

Восьтӧм 16:16

Пеж ловъяс чукӧртісны мувывса ӧксыясӧс ӧти местаӧ. Тайӧ местаыс еврей ногӧн шусьӧ Армагеддон.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Восьтӧм 20:8

Найӧ паськӧдчасны став му пасьтала да кытшаласны вежа войтырлысь оланінсӧ да Енлысь муса карсӧ.