Йоиль 2:24 - Коми Библия 2023

²⁴ Вартанінъяс тырасны няньӧн, пычкан гуяс – винаӧн да выйӧн.

Йоиль 2:24 Kruisverwysings

Езекиль 36:8

А тіян вылын, Израиль керӧсъяс, пашкыртчасны-быдмасны пуяс да ваясны вотӧс Менам Израиль войтырлы, ӧд найӧ регыд бӧр локтасны.

Йоиль 3:13

Босьтӧй чарла, ӧд воис вундан кад. Талялӧй войтыръясӧс виноградӧс моз, ӧд пычкан гуыс тыр, вийӧдчанінысь вина моз визувтӧ налӧн вирыс, ӧд лёкыс налӧн вывті ыджыд.

Йоиль 3:18

Сійӧ лунӧ керӧсъяс вывсянь пондас войтавны вина, мылькъяс вывті визувтны йӧв, Иуда муын сёртасъяс тырасны ваӧн. Господьлӧн крамысь визувтас ва, сійӧ пондас юктавны Ситтим ковтыс.

Левит 25:19

Муыс кутас сетны быдтас, тіян сёянныд пӧтмӧн лоӧ, и ті кутанныд повтӧг овны.

Левит 26:10

Колян вося сёянныд оз быр, сійӧс весиг ковмас шыблавны.

Амос 9:13

Воасны лунъяс, – висьталӧ Господь, – кор гӧрысь суас вундысьӧс, виноград талялысь – виноград пуктысьӧс. Керӧсъяс да мылькъяс вывсянь кутас визувтны виноград вотӧслӧн ва.

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?