Йоиль 2:21 - Коми Библия 2023

²¹ Эн пов, муӧй, гажӧдчы да нимкодясь, ӧд Господьлӧн уджъясыс ыджыдӧсь.

Йоиль 2:21 Kruisverwysings

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Псалтыр 71:19

Ошкӧм Сылӧн ыджыд нимлы нэмъяс чӧж! Сылӧн дзирдлуныс мед вевттяс став мусӧ! Аминь, аминь.

Псалтыр 98:8

Господьӧй, миян Енмӧй, Тэ вочавидзин налы, Тэ вӧлін налӧн Енмӧн, прӧститін найӧс, но и мыждін лёк вӧчӧмсьыныс.

Исай 35:1

Мед нимкодясясны овтӧмин да кос му, мед нимкодясяс кушин, сійӧ пондас дзоридзавны лилия моз.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Исай 54:4

Эн пов, водзӧ тэнӧ некод оз кут янӧдны, эн майшась, тэныд оз ло юръяндзим. Тэ вунӧдан томдырся яналӧмтӧ, он нин кут казьтывны дӧва кадся увтыртӧмтӧ.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Осий 2:21

Сійӧ лунӧ Ме вочавидза, – висьталӧ Господь, – Ме вочавидза енэжыслӧн корӧм вылӧ, а енэжыс вочавидзас муыслӧн корӧм вылӧ.

Йоиль 2:20

Войвывсянь уськӧдчысьясӧс Ме ылыста тіян дінысь, вӧтла найӧс ватӧм куш муӧ, водзвылас мунысьясӧс Ме вӧйта асыввыв саридзӧ, бӧрвылас мунысьясӧс – рытыввыв саридзӧ. Унасьыс-уна лёктор вӧчӧмсьыс налӧн шойысь пондас ӧвтны сісьмӧм лёк дук.

Йоиль 2:26

Ті понданныд пӧттӧдзныд сёйны, понданныд ошкыны Господьӧс, ассьыныд Ентӧ, коді вӧчис тіянлы шензьӧданаторъяс. Менсьым войтырӧс некор оз ло янӧдӧма.

Закар 8:15

Но ӧні Ме шуи бурсӧ вӧчны Ерусалимлы да Иуда войтырлы. Энӧ полӧй!

Индӧд 4:32

Юасьӧй воддза кадыс йылысь, мый вӧлі сійӧ лунсяньыс, кор Ен вӧчис мортӧс му вылас. Артмис-ӧ сійӧ кадсяньыс енэж улас татшӧм ыджыдторйыс, мый вӧлі миян дырйи? Кывліс-ӧ кодкӧ татшӧмтор йылысь?

Ӧксыяслӧн 1 небӧг 12:16

Ӧні сулалӧй да видзӧдӧй, кутшӧм ыджыдтор тіян син водзын вӧчас Господь.

Ӧксыяслӧн 1 небӧг 12:24

Сӧмын полӧй Господьысь, кесъялӧй Сылы веськыда да став сьӧлӧмсяньныд. Ті ӧд асьныд аддзылінныд, кутшӧм ыджыд уджъяс Сійӧ вӧчис тіян пӧвстын.