Йоиль 2:13 - Коми Библия 2023

¹³ Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Йоиль 2:13 Kruisverwysings

Олӧм 37:29

Кор Рувим локтіс юкмӧс дорӧ да аддзис, мый Ӧсип вокыс абу сэні, косяліс ассьыс паськӧмсӧ.

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 2 небӧг 1:11

Сэки Давид косяліс ассьыс паськӧмсӧ. Йӧзыс, кодъяс вӧліны сыкӧд, тшӧтш тадзи вӧчисны.

Ӧксыяслӧн 3 небӧг 21:27

Иллялысь кывъяссӧ кылӧм бӧрын Ахав [раммӧдчис Господь водзын да бӧрдӧмӧн ветлӧдліс,] косяліс ассьыс паськӧмсӧ, пасьталіс шогалан паськӧм да пондіс видзавны. Ахав ветлӧдліс юрсӧ ӧшӧдӧмӧн, весиг узьліс шогалан паськӧмнас.

Ӧксыяслӧн 4 небӧг 22:11

Индӧд небӧгысь кывъяссӧ кылӧм бӧрын ӧксы косяліс ассьыс паськӧмсӧ.

Ӧксыяслӧн 4 небӧг 22:19

”Ме висьтавлі тайӧ карыс да сэні олысьяс йылысь, мый найӧ лоӧны повзьӧданторйӧн да ёранторйӧн. Тайӧс кылӧм бӧрын тэ небзьӧдін сьӧлӧмтӧ да раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

Ӧксыяслӧн 4 небӧг 5:7

Гижӧдсӧ лыддьӧм бӧрын израильса ӧксы косяліс ассьыс паськӧмсӧ да шуис: «Ме ӧмӧй Ен? Мортыслӧн олӧмыс да кулӧмыс ӧмӧй менам киын? Мыйла арамейяслӧн ӧксы мӧдӧдӧма тайӧ мортсӧ ме дінӧ, медым ме бурдӧді сійӧс проказаысь? Аддзанныд, сійӧ корсьӧ помка зыксьыны мекӧд».

Ӧксыяслӧн 4 небӧг 6:30

Аньлысь кывъяссӧ кылӧм бӧрын ӧксы косяліс ассьыс вылыс паськӧмсӧ. Ӧксы вӧлі сулалӧ карса стен вылын, и войтырыс аддзис, мый ӧксылӧн куш яй вылас вӧлі шогалан паськӧм.

2 Каднебӧг 6:27

сэки Тэ кыв найӧс енэжсяньыд да прӧстит Аслад кесйӧгъяслысь да Израиль войтырыдлысь мыжсӧ. Петкӧдлы налы бур туйсӧ, кыті налы колӧ мунны, да мӧдӧд зэрсӧ Аслад му вылӧ, мый Тэ вичмӧдін Аслад войтырыдлы.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Псалтыр 103:8

Керӧс вывсянь найӧ визувтӧны ласта вылӧ, сэтчӧ, кытчӧ Тэ тшӧктін.

Псалтыр 34:18

Тэнад войтырлӧн ыджыд чукӧртчӧмын ме ошка Тэнӧ, уна йӧз пӧвстын ыдждӧдла Тэнӧ.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 36:7

Гашкӧ, найӧ кевмысясны-шыасясны Господь дінӧ да бергӧдчасны асланыс лёк туй вылысь, ӧд Господь ёна скӧралӧ да лӧгалӧ тайӧ войтырыс вылӧ».

Еремей 41:5

Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.

Еремей 42:10

”Ті кӧ кольччанныд тайӧ муас, Ме ёнмӧда тіянӧс, ог пазӧд, Ме вужйӧда тіянӧс, ог нетшышт. Ме вӧчи тіянлы лёксӧ, и шогся та вӧсна.

Езекиль 9:4

да шуис сылы: «Мун Ерусалим карӧд да пукты плешканыс пас налы, кодъяс сьӧкыда ышлолалӧны да бӧрдӧны тайӧ карас зывӧк вӧчӧм понда».

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Иона 3:9

Гашкӧ, Енмыс бурсьӧлӧмтчас да вештас Ассьыс ыпъялан скӧрлунсӧ миян вылысь, и ми ловйӧн колям».

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Наум 1:3

Господь дыр терпитӧ, Сылӧн выныс помтӧм-дортӧм, Сійӧ оз коль лёксӧ мыждытӧг. Господь локтӧ тӧвныр да бушков моз, Сылӧн воськовъясысь бус моз кыпӧдчӧны кымӧръяс.

Лыд 14:18

”Ме, Господь – дыр терпитысь, буралысь [да эскана]. Ме прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь коймӧд да нёльӧд чужанвужйӧдз”.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

Ефесӧ 2:4

Но буралӧмнас озыр Ен петкӧдліс Ассьыс ыджыд муслунсӧ миян дінӧ.

1 Тимофейлы 4:8

Вир-яйтӧ ёнмӧдӧмысь бурыс этша, а вежавидзана олӧмысь – уна, ӧд сійӧ сетӧ лача ӧнія да локтана олӧм вылӧ.