Йоиль 2:10 - Коми Библия 2023

¹⁰ На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Йоиль 2:10 Kruisverwysings

Псалтыр 114:7

Шойччы, менам лолӧй, ӧд Господь тӧждысьӧ тэ вӧсна.

Псалтыр 18:7

Сійӧ кытшовтӧ енэжсӧ помсянь помӧдзыс, и сылӧн шоныдыс быдӧнӧдз воӧ.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Исай 34:4

Енэжвывса югзьӧданторъяс дзикӧдз сотчасны, енэжыс гартыштчас гижӧд тубрас моз. Енэжвывса став югзьӧданторйыс гылалас, кыдзи гылалӧны виноград пу вылысь коръясыс, кыдзи усьласьӧны инжир пу вылысь косьмӧм коръясыс.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Еремей 4:23

– Ме видзӧдлі му вылас, а сійӧ вӧлі мыгӧртӧм да куш. Видзӧдлі енэжас, а сэні югыдыс эз вӧв.

Йоиль 2:2

Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Йоиль 3:4

Тир, Сидон да Филистим му, мый ті Месянь кӧсъянныд? Гашкӧ, ті кӧсъянныд водзӧс перйыны Менсьым? Тадзи кӧ, регыд Ме бергӧда водзӧс перйӧмнытӧ ас выланыд.

Амос 5:8

Сійӧ вӧчис Корӧся да Куима кодзув чукӧръяс, сап пемыдсӧ вежӧ асъя югыдӧ, лунсӧ – войӧ. Саридзысь Сійӧ чукӧстӧ васӧ да мусӧ киськалӧ. Сылӧн нимыс – Господь!

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Ап. уджъяс 2:20

Шондіыс пемдас, тӧлысьыс вирӧн ойдас Господьлӧн ыджыд да югыд луныс вотӧдз.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Восьтӧм 8:12

Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Восьтӧм 9:2

Кор сійӧ восьтіс пыдӧстӧминсӧ, сэтысь ыджыд пачысь моз пуркнитіс тшын. Тайӧ тшынсьыс пемдіс шондіыс и сынӧдыс.