Иоан 9:8 - Коми Библия 2023

⁸ Сыкӧд орччӧн олысьяс да сійӧс синтӧмӧн аддзылысьяс шензисны: «Абу-ӧ тайӧ сійӧ мортыс, коді пукаліс да сьӧм корис?»

Иоан 9:8 Kruisverwysings

Марк 10:46

Исус велӧдчысьясыскӧд воис Ерикон карӧ. Карысь петіганыс накӧд вӧлі уна йӧз. Туй бокын пукаліс синтӧм корысь Вартимей, Тимейлӧн пиыс.

Лука 1:58

Матігӧгӧр олысьяс да рӧдвужыс тӧдмалісны Господьлысь буралӧмсӧ Елизавета дінӧ да тшӧтш нимкодясисны сыкӧд.

Лука 18:35

Исус матыстчис Ерикон карлань. Туй бокын пукаліс синтӧм корысь морт.

Иоан 9:9

Ӧтияс шуалісны: «Тайӧ дзик сійӧ мортыс», мӧдъяс шуалісны: «Абу, тайӧ сӧмын сы вылӧ мунӧ». Но сійӧ ачыс висьталіс: «Тайӧ ме».

Руфа 1:19

Ноеминь да Руфа водзӧ мунісны кыкӧн. Кор найӧ воисны Виплиемӧ, став карыс ёна шызис. Аньяс юасисны ӧта-мӧдныслысь, абу-ӧ тайӧ Ноеминь.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.

Ӧксыяслӧн 1 небӧг 21:11

Акишлӧн кесйӧгъяс шуисны ӧксыныслы: «Абу-ӧ тайӧ Давид, эсійӧ мусьыс ӧксыыс? Эз-ӧ йӧзыс йӧктӧмӧн сьывны сы йылысь, Саул пӧ вермис сюрсъясӧс, а Давид – дас сюрсъясӧс?»