32 Ті тӧдмаланныд збыльсӧ, и збыльыс мездас тіянӧс».
Лёк вӧчысьяслысь чукӧртчӧмсӧ ме мустӧмта, Ентӧг олысьяскӧд ӧтлаын ог пуксьы.
Кывзӧй менсьым янӧдӧмӧс, ме тырта тіянӧс мывкыдлунӧн, тӧдмӧда тіянӧс аслам кывъясӧн.
Ӧд тӧдӧмлунсӧ ті мустӧмтінныд, Господьысь полӧмсӧ энӧ бӧрйӧй,
Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.
Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.
Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»
Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.
Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.
Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,
Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.
Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».
а сэсся ныв-пиыскӧд мед мунас рӧдвуж дінас, бать рӧдыслӧн муас, да овмӧдчас сэтчӧ.
А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.
Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.
Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.
Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.
Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.
Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.
Вежӧд найӧс збыльыд пыр. Збыльыс – тайӧ Тэнад кывйыд.
Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.
Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.
Пиыс кӧ мездас тіянӧс, ті збыльысь мездманныд.
Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.
Ті ӧд энӧ сибӧдӧй нартитысь лолӧс, медым бара овны полӧм улын, мӧдарӧ, ті сибӧдінныд тіянӧс ныв-пиӧ босьтысь Лолӧс. Тайӧ Лолӧн ми шыасям: «Авва, Батьӧй!»
Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.
Господьлӧн коригас кӧ мортыс кесйӧгӧн вӧлі, ӧні сійӧ Господьлӧн мездлуна морт. А мездлуна кӧ вӧлі, ӧні сійӧ Кристослӧн кесйӧг.
Кристос мездіс миянӧс. Сідзкӧ, зумыда сулалӧй сетӧм мездлунас да бара энӧ пырӧй сийӧс улӧ.
Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.
Найӧ ӧтарӧ велӧдчӧны, но збыльыс налы оз мӧрччы вежӧрас.
Но коді видзӧдӧ мездлунсӧ сетысь тыр-бур Индӧд вылӧ да оз вунӧд кывлӧмасӧ, а олӧ Индӧдыс серти, сійӧс лоӧ бурсиӧма уджъясыс пыр.
Сідзкӧ, олӧй да сёрнитӧй на моз, кодъясӧс кутасны мыждыны мездлунсӧ сетысь индӧд серти.
Тіянлы сетӧма мездлун, сӧмын мездлуннад энӧ вевттьӧй лёк вӧчӧмнытӧ, но олӧй Енлӧн кесйӧгъяс моз.
Ме, вичкоса юрнуӧдысь, гижа Енмӧн бӧрйӧм аньлы да сылӧн челядьлы. Ті меным збыльысь мусаӧсь. Мусаӧсь абу сӧмын меным, но быдӧнлы, коді тӧдӧ збыльсӧ.
