Иоан 8:29 - Коми Библия 2023

²⁹ Менӧ Мӧдӧдысьӧй Мекӧд. Батьӧй эз коль Менӧ ӧтнамӧс, ӧд Ме ставсӧ вӧча Сылӧн кӧсйӧм серти».

Иоан 8:29 Kruisverwysings

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 42:21

Аслас веськыдлуныс вӧсна Господь нимӧдіс-ыдждӧдліс Ассьыс Индӧдсӧ.

Исай 42:6

– Ме, Господь, чукӧсті тэнӧ, медым вайны веськыдлунсӧ. Ме кута тэнӧ киӧдыд, Ме видза тэнӧ. Тэ лоан йитӧдӧн Ме да йӧз костын, лоан югыдӧн став войтыръяслы,

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Матвей 3:15

Исус шуис: «Эн пыксьы Меным. Миянлы колӧ вӧчны веськыдлуныс серти». Сэки Иоан пыртіс Сійӧс.

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Иоан 14:31

Но медым муюгыдыс тӧдіс, мый Батьӧй Меным муса, Ме ставсӧ вӧча Батьлӧн тшӧктӧм серти. Чеччӧй, мунамӧй татысь».

Иоан 15:10

Ме ставсӧ вӧча Батьлӧн тшӧктӧм серти да ола Сылӧн муслун пытшкын. Ті кӧ вӧчанныд Менам тшӧктӧм серти, сэки тшӧтш кутанныд овны Менам муслун пытшкын.

Иоан 16:32

Воас кад да воис нин, кор ті ставныд разаланныд, Менӧ ӧтнамӧс колянныд. Но Ме абу ӧтнам, Мекӧд Батьӧй.

Иоан 17:4

Му вылас олігӧн Ме восьті Тэнсьыд дзирдлунтӧ да вӧчи Меным сетӧм уджтӧ.

Иоан 4:34

Исус шуис налы: «Менам сёянӧй – ставсӧ вӧчны Менӧ Мӧдӧдысьлӧн кӧсйӧм серти да эштӧдны Сылысь уджсӧ.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 8:16

А мыжда кӧ, мыжда веськыда, ӧд Ме абу ӧтнам. Мекӧд Менӧ мӧдӧдысь Батьӧй.

2 Тимофейлы 4:17

Ачыс Господь вӧлі ме дор. Сійӧ ёнмӧдіс менӧ, медым ме верми тырвыйӧ буръюӧртны, медым ентӧдтӧмъяс кылісны тайӧ Бур Юӧрсӧ. Господь мездіс менӧ весиг лев вомысь.

2 Тимофейлы 4:22

Господь Исус Кристос тэкӧд. Енлӧн буралӧмыс тіянкӧд. Аминь.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

Еврейяслы 7:26

Дзик татшӧм аркирей колӧ миянлы: вежа, сӧстӧм да мыжтӧм, кодӧс торйӧдӧма мыжа йӧзысь да кыпӧдӧма енэжсьыс вылӧджык на.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

1 Иоан 3:22

Сэки мый корам, босьтам Сысянь, ӧд олам Сылӧн тшӧктӧмъяс серти да вӧчам Сылы шогманасӧ.