Иоан 7:42 - Коми Библия 2023

⁴² Оз ӧмӧй висьтав Гижӧдыс, мый Кристос петас Давид вужйысь, Виплием карысь, кытысь вӧлі Давид?»

Иоан 7:42 Kruisverwysings

Псалтыр 89:4

Мортсӧ Тэ бӧр бергӧдан муӧ, Тэ шуан: «Мувывса йӧз, бӧр бергӧдчӧй муӧ».

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Матвей 1:1

Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.

Матвей 2:5

Найӧ вочавидзисны: «Иудея муын, Виплием карын. Тадзи пророклӧн гижӧма:

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Лука 2:11

Талун Давид карын тіянлы чужис Мездысь – Господь Кристос.

Лука 2:4

Ӧсип вӧлі Давид чужанвужйысь. Та вӧсна аслас Мария гӧтырпукӧд, коді вӧлі нӧбасьӧ, сійӧ муніс гижасьнысӧ Назаретысь, галилеяса карысь, Иудея муӧ, Виплием нима Давид карӧ.

Иоан 7:27

Ми тӧдам, кытысь тайӧ Мортыс. А кор локтас Кристос, некод оз кут тӧдны, кытысь Сійӧ».

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».

Ӧксыяслӧн 1 небӧг 16:18

Сэки кесйӧгъяс пиысь ӧти шуис: «Ме аддзылі, мый Виплиемын олысь Ессейлӧн пиыс кужӧ бура ворсны. Сійӧ збой, оз пов тышӧ петны, мывкыд сёрниа, чужӧм-мыгӧрнас мича, дай Господь сыкӧд».

Ӧксыяслӧн 1 небӧг 16:4

Самуил вӧчис, кыдзи тшӧктіс сылы Господь. Кор сійӧ локтіс Виплиемӧ, карса юрнуӧдысьяс полігтыр вочаалісны сійӧс да юалісны: «Бур могӧн-ӧ локтін миян дінӧ?»

Ӧксыяслӧн 1 небӧг 17:58

Саул юаліс: «Том мортӧй, кодлӧн тэ лоан?» Давид вочавидзис: «Виплиемын олысь Ессей кесйӧгыдлӧн пи».