Иоан 7:37 - Коми Библия 2023

³⁷ Бӧръя медыджыд гажӧдчан лунӧ Исус сувтіс да гораа шуис: «Кодлӧн горшыс косьмӧ, мед локтӧ Ме дінӧ да юӧ!

Иоан 7:37 Kruisverwysings

Неемий 8:18

Медводдза гажӧдчан лунсянь бӧръя лунӧдзыс быд лун лыддисны Енлысь Индӧдсӧ. Гажӧдчисны сизим лун чӧж, а кӧкъямысӧд луннас Гижӧд серти вӧлі вежа чукӧртчӧм.

Псалтыр 143:6

Мӧдӧд Ассьыд чардбитӧ да разӧд паныд сувтысьясӧс! Лый Аслад гымньӧвйӧн, шӧйӧвошт найӧс!

Псалтыр 42:2

Тэ ӧд менӧ дорйысь Ен. Мыйла Тэ эновтін менӧ, мыйла меным лоӧ шогсьыны мустӧмтысьяслӧн дзескӧдӧмысь?

Псалтыр 63:1

Сьылысьясӧн веськӧдлысьлы. Давидлӧн псалом.

Шусьӧгъяс 1:20

Мывкыдлуныс ывлаын юӧртӧ, изэрдъяс вылын шыалӧ-горалӧ,

Шусьӧгъяс 8:1

Мывкыдыс чуксалӧ, вежӧрыс гӧлӧссӧ кыпӧдӧ.

Шусьӧгъяс 8:17

Менӧ радейтысьӧс ме радейта, менӧ корсьысь аддзас менӧ.

Шусьӧгъяс 8:3

Карса дзиръя дорын сійӧ чуксалӧ, карӧ пыранінын шыалӧ:

Шусьӧгъяс 9:3

Кесйӧг аньясӧс ыстіс карӧ, вывтасінъяссянь тшӧктіс горӧдны:

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Исай 12:3

Ті нимкодьпырысь понданныд гумлавны васӧ мездлуныслӧн юкмӧсысь.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 40:6

Ме кылі гӧлӧс шы: – Юӧрт! Ме юалі: – Мый меным юӧртнысӧ? – Мортыс – турун кодь, сылӧн мичлуныс – дзоридз кодь.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 55:1

Кывзӧй, кодлӧн горшныд косьмӧ, локтӧй ставныд ва дінӧ! Весиг ті, кодлӧн абу сьӧмныд, локтӧй, босьтӧй да сёйӧй! Сьӧмтӧг да дон мынтытӧг босьтӧй вина да йӧв.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Езекиль 47:9

И кытчӧ визувтас тайӧ ваыс, сэні кутас овны быдсяма ловъя олысьыс. Ваын лоӧ зэв уна чери, ӧд кытчӧ визувтас тайӧ ваыс, сэні ваыс бурмас да ставыс ловзяс.

Левит 23:36

Сизим лун чӧж вайӧй Господьлы вись, а кӧкъямысӧд луннас тіян мед лоӧ вежа чукӧртчӧм, сэки тшӧтш вайӧй Господьлы вись. Некутшӧм удж энӧ вӧчӧй.

Левит 23:39

Сизимӧд тӧлысьлӧн дас витӧд лунсянь, быдтаснытӧ чукӧртӧм бӧрын, тіян мед лоӧ Господьлы сиӧм гаж. Гажӧдчӧй сизим лун чӧж. Гажлӧн медводдза да кӧкъямысӧд лунъясӧ тіян мед лоӧ шойччӧг.

Микей 6:9

Мывкыд морт вежавидзӧ Господьысь. Господь шыасьӧ кар дінӧ, кывзӧй Сійӧс, карса олысьяс да веськӧдлысьяс!

Закар 9:15

Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

Лыд 29:35

Кӧкъямысӧд луннас тіян мед лоӧ вежа чукӧртчӧм. Некутшӧм удж сэки энӧ вӧчӧй.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Матвей 3:3

Иоан йылысь Исай пророк висьталӧма тадзи: – Овтӧминын кылӧ горзысьлӧн шы: «Лӧсьӧдӧй туй Господьлы, веськӧдӧй-шыльӧдӧй ордымъяс Сылы!»

Матвей 5:6

Шудаӧсь веськыдлуннас пӧткӧдчыны кӧсйысьяс, ӧд найӧс пӧткӧдасны.

Иоан 1:23

Иоан вочавидзис налы: «Ме – овтӧминын горзысьлӧн шыыс: ”Веськӧдӧй-шыльӧдӧй туй Господьлы!” Тадзи коркӧ висьталіс Исай пророк».

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 4:11

Ань шуис Сылы: «Господьӧй, юкмӧсыс ӧд джуджыд, мыйӧн нӧ Тэ сэтысь гумовтан? Кытысь Тэ ловъя васӧ босьтан?

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 5:40

Но ті онӧ кӧсйӧй локны Ме дінӧ, медым тіянлы вичмис олӧм.

Иоан 6:35

Исус шуис: «Ме эм олӧмыслӧн нянь. Ме дінӧ локтысь некор оз кут тшыгъявны, Меным эскысьлӧн горшыс некор оз кут косьмыны.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Иоан 6:55

Менам яйӧй эм збыльысь сёян, Менам вирӧй эм збыльысь юан.

Иоан 7:28

Крамын велӧдігӧн Исус гораа шуис: «Ті тӧданныд Менӧ, и тӧданныд, кытысь Ме. Ме локті эг Ассянь. Менӧ мӧдӧдіс Сійӧ, коді эм Збыльыс. Ті Сійӧс онӧ тӧдӧй,

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

1 Коринфӧ 10:4

ставныс юисны ӧти ва – Ловсянь ва. Ӧд найӧ юисны Ловсянь сетӧм изйысь, коді ветлӧдліс накӧд. Тайӧ изйыс вӧлі Кристос.

1 Коринфӧ 11:25

Сёйӧм бӧрас босьтіс тшӧтш чаша да шуис: «Тайӧ чашаыс – Выль Йитӧд, кӧрталӧма Менам вирӧн. Быдпӧрйӧ, тайӧ чашасьыс юигӧн, казьтывлӧй Менӧ».

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

Ефесӧ 5:18

Энӧ коддзӧдчӧй винаӧн, ӧд тасянь овлӧ олӧмас лэдзчысьӧмыс. Мӧдарӧ, сетӧй Ловлы тыртны асьнытӧ.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 22:1

Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.