Иоан 6:30 - Коми Библия 2023

³⁰ Найӧ шуисны Исуслы: «Кутшӧм шензьӧданатор Тэ вӧчан, медым сійӧс аддзылӧм бӧрын ми эским Тэныд? Мый Тэ вӧчан?

Иоан 6:30 Kruisverwysings

Ӧксыяслӧн 3 небӧг 13:3

Енлӧн морт юӧртіс, мый петкӧдлас индысьпас. Сійӧ шуис: «Господь висьталіс, мый тайӧ висьпуктаніныс киссяс, и сы вылысь пӧимыс разалас».

Ӧксыяслӧн 3 небӧг 13:5

Висьпуктаніныс киссис, и сы вылысь пӧимыс разаліс. Тадзи иніс Господьлӧн кывйыс, мый Енлӧн морт юӧртіс.

Петӧм 4:8

Господь шуис: «Оз кӧ эскыны тэныд да медводдза индысьпасыслы, сідзкӧ, мӧд индысьпасыслы эскасны.

Петӧм 7:9

«Фараон кӧ тшӧктас тіянлы петкӧдлыны шензьӧданатор [либӧ индысьпас], шу Аарон вокыдлы, мед шыбитас бедьсӧ фараон водзӧ [да сылӧн йӧз водзӧ му вылас], и беддьыс пӧрас змейӧ».

Исай 5:19

Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Марк 15:32

Кристос, Израильлӧн Ӧксы, мед лэччас крест вывсьыс. Аддзылам кӧ тайӧс, сэки эскам». Исусӧс лёкӧдісны тшӧтш орччӧн тувъялӧмаяс.

Марк 8:11

Локтісны фарисейяс да пондісны вензьыны Исускӧд. Сійӧс кыйӧм могысь корисны петкӧдлыны енэжсянь индысьпас.

Иоан 10:38

А вӧча кӧ, эскӧй кӧть Менам уджъясӧ, Меным онӧ эскӧй да. Сэки ті тӧдмаланныд да эсканныд, мый Батьӧй Ме пытшкын, а Ме – Сы пытшкын».

Иоан 12:37

Сы мында шензьӧданатор Исус вӧчис йӧзыс водзын, но найӧ эз эскыны Сылы.

Иоан 2:18

Иудейяслӧн веськӧдлысьяс шуисны Исуслы: «Кутшӧм ногӧн Тэ эскӧдан миянӧс, мый Тэныд позьӧ тадзи вӧчнысӧ?»

Иоан 4:8

Исуслӧн велӧдчысьясыс вӧлі мунӧмаӧсь карӧ сёян ньӧбны.

Иоан 6:14

Сэки найӧ, кодъяс аддзылісны Исуслысь шензьӧданатор вӧчӧмсӧ, шуисны: «Тайӧ збыльысь сійӧ Пророкыс, кодлы колӧ вӧлі локны муюгыдас».

Иоан 6:2

Сы бӧрся муніс уна йӧз, ӧд найӧ аддзылісны, кыдзи Исус вӧчис шензьӧданаторъяс висьысьясӧс бурдӧдігӧн.

Иоан 6:36

Тіянлы Ме висьтавлі нин: ті аддзылінныд Менӧ, сӧмын онӧ эскӧй.

Ап. уджъяс 4:30

Нюжӧд китӧ, медым висьысьяс Тэнад вежа Исус Пи нимӧн бурдасны, шензьӧданаторъяс да индысьпасъяс тыдовтчасны».

1 Коринфӧ 1:22

Иудейяс корӧны вӧчны шензьӧданаторъяс, грекъяс – петкӧдлыны мывкыдлун,

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.