Иоан 6:27 - Коми Библия 2023

²⁷ Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 6:27 Kruisverwysings

Псалтыр 2:7

Ме висьтала Господьлысь кывъяссӧ. Сійӧ шуис Меным: «Тэ – Менам Пи, талун Ме лои Тэныд Батьӧн.

Псалтыр 40:7

Менӧ видлыны волысь сёрнитӧ пӧръясьӧмӧн, сьӧлӧмас сылӧн чужӧны лёк мӧвпъяс, петӧм бӧрас сійӧ суклясьӧ ме йылысь.

Шусьӧгъяс 9:5

«Локтӧй, сёйӧй менсьым няньӧс да юӧй менсьым винаӧс.

Еклесиаст 6:7

Мортыд мырсьӧ-уджалӧ, мед сӧмын мыйкӧ сюйыштны вомас, но сылӧн сьӧлӧмыс таысь оз бурмы.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Еремей 15:16

Кор Тэсянь воисны кывъяс, ме пӧткӧдчи наӧн, Тэнад кывъясыд вайисны меным нимкодьлун, найӧ гажӧдісны менсьым сьӧлӧмӧс, Господьӧй, Тэ – Ен Саваоф, а ме – Тэнад.

Аввакум 2:13

Господь Саваоф шуӧма, мый йӧзыслӧн став уджыс сотчас, мый войтыръяс весьшӧрӧ мырсьӧны.

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Матвей 3:17

Енэжсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн».

Матвей 6:19

«Энӧ чӧжӧй аслыныд озырлун му вылын. Тані сійӧс воз да сім сёйӧ, гусясьысь пырӧ да нуӧ сійӧс.

Матвей 8:20

Исус шуис сылы: «Ручьяслӧн эмӧсь пырмӧсъяс, и енэжвыв лэбачьяслӧн эмӧсь позъяс, сӧмын Морт Пилӧн шойччаніныс абу».

Марк 1:11

Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Марк 9:7

Сэки локтіс кымӧр да вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Лука 3:22

Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».

Лука 9:35

Кымӧрсянь кыліс гӧлӧс шы: «Тайӧ Менам муса Пиӧй, Сійӧс кывзӧй».

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Иоан 11:42

Ме тӧда, мый Тэ век кылан Менӧ. Но тайӧс Ме шуи тані сулалысь йӧзыс вӧсна, медым найӧ эскисны, мый Тэ Менӧ мӧдӧдін».

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 15:24

Ме кӧ эг вӧч налӧн син водзын сійӧ уджъяссӧ, кодъясӧс некод эз вӧчлы, сэки эськӧ найӧ эз вӧвны мыжаӧсь. Ӧні найӧ аддзылісны Менсьым уджъясӧс, но Менӧ да Менсьым Батьӧс мустӧмтӧны.

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Иоан 3:15

медым Сылы эскысь эз вош, а помтӧг оліс.

Иоан 3:33

Мортыс кӧ сибӧдӧ Сылысь кывъяссӧ, тайӧн петкӧдлӧ, мый Енмыс збыльсӧ висьталӧ.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 6:47

Веськыда, веськыда висьтала тіянлы: Меным эскысьлӧн эм помтӧм олӧм.

Иоан 6:51

Ме эм енэжсянь лэччӧм ловъя нянь. Тайӧ няньсӧ сёйысь помтӧг олӧ. Няньыс, кодӧс Ме сета, – тайӧ Менам яй. Ме сета сійӧс йӧзыслӧн олӧм вӧсна».

Иоан 6:53

Исус шуис налы: «Веськыда, веськыда висьтала тіянлы: онӧ кӧ сёйӧй Морт Пилысь яйсӧ да юӧй Сылысь вирсӧ, тіян пытшкын олӧмыс оз ло.

Иоан 6:54

Менсьым яйӧс сёйысь да Менсьым вирӧс юысь помтӧг олӧ, и сійӧс Ме ловзьӧда медбӧръя лунӧ.

Иоан 6:58

Тайӧ – енэжсянь лэччӧм нянь, мӧдсикас сёян. Тіян батьясныд сёйисны манна да кулісны, а тайӧ няньсӧ сёйысь помтӧг олӧ».

Иоан 6:62

Мый эськӧ шуанныд, аддзанныд кӧ Морт Пилысь кыпӧдчӧмсӧ сэтчӧ, кӧні Сійӧ вӧлі водзынджык?

Иоан 6:68

Симон-Петыр вочавидзис: «Господьӧй, код дінӧ миянлы муннысӧ? Ӧд Тэнад кывъясыд сетӧны помтӧм олӧмсӧ.

Иоан 8:18

Ме Ачым висьтала Ас йылысь. Ме йылысь висьталӧ тшӧтш Менӧ мӧдӧдысь Батьӧй».

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Римӧ 4:11

Вундыштӧм пасыс Ӧвраамлы висьталіс, мый сійӧ вундыштчытӧдзыс на эскис, та вӧсна лои веськыдӧн. Тадзи Ӧвраам лои батьӧн став вундыштчытӧм эскысьыслы, медым и найӧ эскӧм пыр вермисны лоны веськыдӧн.

Римӧ 6:23

Мыжыс ӧд мынтысьӧ кулӧмӧн, а Енмыс сетӧ помтӧм олӧм миян Господь Исус Кристос пытшкын.

1 Коринфӧ 6:13

Сёяныд – кынӧмлы, а кынӧмыд – сёянлы. Но Енмыс бырӧдас ӧтисӧ и мӧдсӧ. Вир-яйыд абу кырсалӧм вылӧ, сійӧ – Господьлы, а Господь – вир-яйлы.

1 Коринфӧ 9:2

Гашкӧ, мукӧдыслы ме абу апостол, но тіянлы апостол. Ті – Господь пытшкынӧсь, и тайӧ висьталӧ, мый ме збыльысь апостол.

2 Коринфӧ 4:18

Ми видзӧдам тыдавтӧмыс вылӧ, огӧ тыдаланаыс вылӧ, ӧд тыдавтӧмыс бырлытӧм, а тыдаланаыс бырана.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Индӧд 30:13

Индӧдыс абу саридз сайын, сідзкӧ, эн шу: ”Коді ветлас саридз сайӧ да ваяс миянлы сійӧс, медым ми кылім да олім сы серти?”

Филипӧ 2:13

Ӧд Ачыс Енмыс уджалӧ тіян пытшкын, медым ті кӧсйинныд вӧчны да вӧчинныд Сылӧн бур кӧсйӧмыс серти.

Колосӧ 1:29

Та могысь ме уджала да вермася ме пытшкын олысь Кристос вынӧн.

Колосӧ 2:22

Тайӧ сӧмын мортсянь тшӧктӧм-велӧдӧм, шуӧма быранаторъяс йылысь.

Колосӧ 3:2

Мӧвпалӧй енэжвывсаыс йылысь, а энӧ мувывсаыс йылысь.

1 Фессалоникаӧ 1:3

Ен Батьным водзын ми век казьтывлам тіянлысь мырсьӧм-уджалӧмнытӧ да сьӧкыд нуӧмнытӧ. Ті эскӧмӧн да радейтӧмӧн уджнытӧ вӧчанныд, сьӧкыдсӧ нуанныд миян Господь Исус Кристос вылӧ лача кутӧмӧн.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

Еврейяслы 12:16

Тіян пӧвстын мед оз ло ни ӧти кырсалысь да Исав моз Енсьыс кежысь. Тасьті шыд вылӧ сійӧ вежис ассьыс медводдза чужысь нимсӧ.

Еврейяслы 4:11

Сідзкӧ, кутам зільны пырны Енлӧн шойччанінӧ, медым тайӧ кывзысьтӧм йӧзыс моз эгӧ кольӧй Енлӧн шойччанінӧ пыртӧг.

Яков 1:11

Шонді петас, пӧжас да косьтас турунсӧ. Дзоридзыс сылӧн усьӧ, мичлуныс бырӧ. Дзик тадзи кусӧ озыр мортлӧн мырсян-пессян олӧмыс.

1 Петыр 1:24

Гижӧдыс висьталӧ: – Мортыс – турун кодь, сылӧн мичлуныс – дзоридз кодь. Турун косьмӧ, дзоридз усьӧ,

2 Петыр 1:17

Ен Батьыс сетіс Сылы нимӧдӧмсӧ да дзирдлунсӧ, кор Вылысса дзирдлунсяньыс кыліс гӧлӧс шы: «Тайӧ Менам муса Пиӧй, Ме нимкодяся Сыӧн».