42 Ме тӧда тіянӧс: Енмыс тіянлы абу муса.
Исус шуис налы: «Йӧз водзын ті петкӧдланныд асьнытӧ веськыда олысьясӧн, но Енмыс тӧдӧ тіянлысь сьӧлӧмнытӧ. Мый йӧзыс донъялӧны вылӧ, сійӧ Енмыслы зывӧк».
Сылы эз ковны йӧз йылысь висьталысьяс, ӧд Сійӧ тӧдіс быд мортлысь сьӧлӧмсӧ.
Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.
Йӧзлӧн ошкӧмыс Меным оз ков.
Ме локті тіян дінӧ Бать нимсянь, но ті онӧ сибӧдӧй Менӧ. Локтас кӧ кодкӧ ас нимсяньыс, сійӧс ті сибӧданныд.
Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!
Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.
Коді Енсянь, сійӧ кывзӧ Енлысь кывъяссӧ. А ті онӧ кывзӧй, ӧд ті абу Енсянь».
Ті онӧ тӧдӧй Сійӧс, а Ме тӧда. Ме кӧ шуа, мый ог тӧд Сійӧс, сэки лоа тіян кодь пӧръясьысьӧн. Но Ме тӧда Сійӧс да ола Сылӧн кывъясыс серти.
Вир-яйсянь мӧвпалӧмыд эм Енлы паныд сувтӧм. Татшӧм мортыс оз сетчы Ен Индӧдлы, да и оз вермы.
Энӧ радейтӧй муюгыдсӧ да мый сэні эм. Кодлы муса муюгыдыс, сылы Батьыс абу муса.
Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?
Коді шуӧ, ме пӧ радейта Енсӧ, но мустӧмтӧ ассьыс воксӧ, сійӧ пӧръясьӧ. Оз кӧ радейт воксӧ, кодӧс аддзӧ, вермас-ӧ радейтны Енсӧ, кодӧс оз аддзы?
Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.
