Иоан 5:22 - Коми Библия 2023

²² Батьыс некодӧс оз мыжды. Мыждан вынсӧ Сійӧ сетіс Пиыслы,

Иоан 5:22 Kruisverwysings

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Иоан 3:35

Пиыс муса Батьыслы, и Батьыс ставсӧ сетіс Сы киӧ.

Иоан 5:27

Батьыс сетіс Пиыслы вын мыждыны, ӧд сійӧ Морт Пи.

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Ап. уджъяс 10:42

юӧртны йӧзыслы да висьтавны, мый Ен пуктіс Сійӧс ловъяяслы да кулӧмаяслы Мыждысьӧн.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Римӧ 2:16

Но воас лун, кор Исус Кристос пыр Ен кутас мыждыны мортлысь гусяторъяссӧ. Та йылысь ме висьтавлі нин буръюӧртігӧн.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

2 Тимофейлы 4:1

Ен водзын да Господь Исус Кристос водзын, коді кутас мыждыны ловъяясӧс да кулӧмаясӧс, Сылысь локтӧмсӧ да Юралӧмсӧ тӧд вылын кутӧмӧн кора тэнӧ:

1 Петыр 4:5

Но налы ковмас вочавидзны Сылы, коді регыд кутас мыждыны ловъяясӧс да кулӧмаясӧс.