Иоан 4:6 - Коми Библия 2023

⁶ Сэні вӧлі Яковлӧн юкмӧс. Дыр мунӧмысла Исус мудзис да пуксис шойччыштны юкмӧс дорас. Вӧлі луншӧр гӧгӧр.

Иоан 4:6 Kruisverwysings

Матвей 27:45

Луншӧр кадӧ пемдіс став му пасьталаыс, пемыдыс сулаліс куим часӧдз.

Матвей 4:2

Нелямын лун да нелямын вой видзалӧм бӧрын Исуслӧн кынӧмыс сюммис.

Матвей 8:24

Виччысьтӧг ты вылын кыптіс ыджыд тӧвныр, ёна гызис, и пыжыс кутіс тырны ванас. Исус вӧлі узьӧ.

Лука 2:7

Сійӧ чужтіс Пи, ассьыс медводдза кагасӧ. Рузумӧ гартыштӧмӧн Мария пуктіс кагасӧ лясниӧ, ӧд туйморт керкаын налы узяніныс эз сюр.

Лука 9:58

Исус шуис сылы: «Ручьяслӧн эмӧсь пырмӧсъяс, и енэжвыв лэбачьяслӧн эмӧсь позъяс, сӧмын Морт Пилӧн шойччаніныс абу».

Иоан 11:9

Исус вочавидзис: «Лунын ӧмӧй абу дас кык час? Луннас ветлысь оз крукась, ӧд сійӧ аддзӧ тайӧ мувывса югыдсӧ.

Иоан 4:12

Тэ ӧмӧй Яков батьным дорысь ыджыдджык? Тайӧ юкмӧссӧ сійӧ сетӧма миянлы. Татысь сійӧ ачыс юлӧма, тшӧтш сылӧн пияныс да пемӧсъясыс».

Иоан 4:5

Исус воис Самария муӧ, Сикар нима карӧ. Тайӧ карсяньыс матын вӧлі му, кодӧс Яков сетлӧма Ӧсип пиыслы.

Иоан 4:7

Самарияса ань локтіс сэтчӧ вала. Исус шыасис сы дінӧ: «Юктӧдышт Менӧ ванад».

2 Коринфӧ 8:9

Ті тӧданныд миян Господь Исус Кристослысь буралӧмсӧ. Сійӧ вӧлі озыр, но гӧльмис тіян вӧсна, медым Аслас гӧльлунӧн озырмӧдны тіянӧс.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.