Иоан 3:36 - Коми Библия 2023

³⁶ Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 3:36 Kruisverwysings

Иов 33:28

Сійӧ мездіс менӧ гортйӧ водӧмысь, сетіс меным аддзыны югыдсӧ!»

Псалтыр 2:12

Вылӧ пуктӧй Писӧ, медым Сійӧ эз скӧрмы, и медым ті энӧ кулӧй туй выланыд, ӧд Сылӧн скӧрлуныс регыд нин ыпнитас. Шудаӧсь Сы вылӧ лача кутысьяс.

Псалтыр 36:9

Ӧд лёк вӧчысьясӧс лоӧ бырӧдӧма, а Господь вылӧ лача кутысьяслы вичмас му.

Псалтыр 49:19

Ассьыд вомтӧ восьтан лёк сёрни вылӧ, аслад кывйӧн гудрасян ылӧгас.

Аввакум 2:4

Эскытӧм морт абу веськыд, а веськыда олысь эскӧмнас кутас овны.

Лыд 32:11

”Египетысь петӧм йӧзыс, кызь арӧса да ыджыдджык арлыда айулов, [кодъяс тӧдӧны бурсӧ и лёксӧ,] оз аддзыны мусӧ, мый йылысь Ме кыв сеті Ӧвраамлы, Исааклы да Яковлы. Ӧд тайӧ йӧзыс эз кывзысьны Менсьым.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Лука 2:30

Аслам синмӧн ме аддзылі став йӧзлы дасьтӧм мездӧмтӧ:

Лука 3:6

Сэки ставӧн аддзасны Енлысь мездӧмсӧ».

Иоан 1:12

Сійӧс сибӧдысьяслы, Сылы эскысьяслы, Сійӧ сетіс лоны Енлӧн ныв-пиӧн.

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Иоан 3:3

Исус вочавидзис: «Веськыда, веськыда висьтала тэныд: мортыс кӧ оз выльысь чуж, сійӧ оз вермы аддзыны Енлысь Юраланінсӧ».

Иоан 4:36

Вундысь босьтӧ удждонсӧ ӧні нин, сійӧ чукӧртӧ няньсӧ помтӧм олӧмӧ. Та вӧсна кӧдзысь да вундысь ӧтвыв нимкодясьӧны.

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Иоан 6:58

Тайӧ – енэжсянь лэччӧм нянь, мӧдсикас сёян. Тіян батьясныд сёйисны манна да кулісны, а тайӧ няньсӧ сёйысь помтӧг олӧ».

Иоан 8:51

Веськыда, веськыда висьтала тіянлы: Менам кывъяс серти олысь некор оз кув».

Ап. уджъяс 14:2

Иудейяс, кодъяс эз эскыны, паныд кыпӧдісны ентӧдтӧмъясӧс, кӧдзисны налы сьӧлӧманыс вокъяс вылӧ скӧралӧм.

Римӧ 4:15

А Индӧдсӧ торкалӧмысь лэччӧ Енлӧн скӧрлун. Эз кӧ вӧв Индӧдыс, эз вӧв и Индӧдсӧ торкалӧмыс.

Римӧ 5:9

Ӧні Кристослӧн вирыс пыр миянӧс шуӧма веськыдӧн, сідзкӧ, дерт нин, Кристос пыр ми мынам локтана скӧрлунысь.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Галатӧ 3:10

А Индӧдӧ кутчысьысьяс ёрӧм улынӧсь. Ӧд гижӧма: «Ёрӧм улӧ веськалӧ быдӧн, коді оз ов став тшӧктӧмыс серти, мый гижӧма Индӧд небӧгӧ».

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

1 Фессалоникаӧ 5:9

Ӧд Енмыс бӧрйис миянӧс эз сы могысь, медым Сылӧн скӧрлуныс суис миянӧс, но сы могысь, медым Исус Кристос Господьным пыр ми босьтім мездмӧмсӧ.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

Еврейяслы 3:18

Кодлы нӧ Енмыс кыв сетіс, мый найӧ оз пырны Сылӧн шойччанінӧ? Эз-ӧ кывзысьтӧмъяслы?

Еврейяслы 3:19

Ми аддзам, мый эскытӧм вӧснаныс найӧ эз пырны Енлӧн шойччанінӧ.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».