Иоан 3:17 - Коми Библия 2023

¹⁷ Енмыс мӧдӧдіс Ассьыс Писӧ муюгыдас мездыны йӧзсӧ, а эз мыждыны.

Иоан 3:17 Kruisverwysings

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 18:11

Морт Пи локтіс корсьны да мездыны вошӧмаясӧс.

Лука 19:10

Морт Пи локтіс корсьны да мездыны вошӧмаӧс».

Лука 9:56

Морт Пи эз лок бырӧдны мортлысь олӧмсӧ, Сійӧ локтіс мездыны». Сэсся найӧ мунісны мӧд сиктӧ.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Иоан 10:36

сідзкӧ, мыйла ті шуанныд Менӧ Енмӧс омӧльтысьӧн, Ме кӧ шуа ачымӧс Ен Пиӧн? Ӧд Менӧ Батьӧй вежӧдіс да мӧдӧдіс муюгыдас.

Иоан 11:42

Ме тӧда, мый Тэ век кылан Менӧ. Но тайӧс Ме шуи тані сулалысь йӧзыс вӧсна, медым найӧ эскисны, мый Тэ Менӧ мӧдӧдін».

Иоан 17:18

Тэ мӧдӧдін Менӧ муюгыдас. Тэ моз жӧ Ме мӧдӧді найӧс муюгыдас.

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Иоан 17:23

Ме кӧ на пытшкын, а Тэ – Ме пытшкын, сэки найӧ ставныс лоасны ӧтвыв. Тадзи муюгыдыс тӧдмалас, мый Тэ Менӧ мӧдӧдін, и найӧ мусаӧсь Тэныд, кыдзи Ме муса Тэныд.

Иоан 17:25

Веськыда вӧчысь Батьӧй, муюгыдыс оз тӧд Тэнӧ, а Ме тӧда Тэнӧ. Ӧні Тэнад сетӧмаясыд тшӧтш тӧдӧны, мый Тэ Менӧ мӧдӧдін.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Иоан 5:36

Но Ме йылысь висьталӧ мӧдтор, Иоан висьталӧмысь на мӧрччанаджык. Батьлӧн тшӧктӧм серти вӧчӧм уджъясӧй петкӧдлӧны, мый Менӧ Батьӧй мӧдӧдіс.

Иоан 5:38

Сылысь кывъяссӧ сьӧлӧманыд онӧ видзӧй, ӧд ті онӧ эскӧй Сысянь Мӧдӧдӧмалы.

Иоан 5:45

Энӧ мӧвпалӧй, мый Бать водзын кута мыждыны тіянӧс. Тіянӧс мыждысьыс – Мӧисей, код вылӧ ті лача кутанныд.

Иоан 6:29

Исус вочавидзис: «Эскӧй Енсянь Мӧдӧдӧмалы. Тайӧ шогмана Енмыслы».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 6:57

Менӧ мӧдӧдіс ловъя Бать, Меным олӧмыс вичмис Батьсянь. Тадзи Месянь олӧмыс вичмас Менӧ сёйысьлы.

Иоан 7:29

а Ме тӧда, ӧд локті Сы дорысь. Сійӧ мӧдӧдіс Менӧ».

Иоан 8:11

Ань вочавидзис: «Эз, Господьӧй!» Исус шуис сылы: «Ме тшӧтш ог мыжды. Мун да водзӧ мыжтӧ эн вӧч».

Иоан 8:42

Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.

1 Иоан 2:2

Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.