Иоан 3:16 - Коми Библия 2023

¹⁶ Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Иоан 3:16 Kruisverwysings

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Олӧм 22:2

Ен шуис: «Босьт Исаактӧ, радейтана ӧтка питӧ, да мун Мориа муӧ. Сэні керӧс вылын, кутшӧмӧс инда тэныд, вай сійӧс Меным сотан вись пыдди».

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Матвей 9:13

”Буралӧм тіянсянь кӧсъя, ог вись вайӧм” – мунӧй да гӧгӧрвоӧй тайӧ кывъяссӧ. Ме локті корны Ен дінӧ мыжаясӧс, эг веськыда олысьясӧс».

Марк 12:6

Овмӧс кутысьлӧн нӧшта вӧлі ӧти – аслас муса пиыс. Медбӧрти виноград быдтысьяс дінӧ мӧдӧдас писӧ, мӧвпыштас: ”Менам пиысь, гашкӧ, яндысясны”.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Иоан 10:28

Ме сета налы помтӧм олӧм, и найӧ некор оз вошны. Некод оз мырддьы найӧс Менам киысь.

Иоан 3:15

медым Сылы эскысь эз вош, а помтӧг оліс.

Иоан 3:18

Сылы эскысьӧс оз ло мыждӧма, а эскытӧмӧс мыждӧма нин, ӧд сійӧ эз эскы Енлӧн ӧтка Пилы.

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Римӧ 5:8

Но кор ми олім мыжас на, Кристос куліс миян вӧсна. Тайӧн Енмыс петкӧдліс миян дінӧ Ассьыс муслунсӧ.

Римӧ 8:32

Ӧд Енмыс Ассьыс Писӧ эз жалит, а сетіс Сійӧс ставным вӧсна. Сыкӧд тшӧтш оз ӧмӧй сет миянлы и став мукӧдторсӧ?

Ефесӧ 2:4

Но буралӧмнас озыр Ен петкӧдліс Ассьыс ыджыд муслунсӧ миян дінӧ.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

Титлы 3:4

Но Ен Мездысьным петкӧдліс миян дінӧ Ассьыс бурлунсӧ да муслунсӧ.

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,