Иоан 3:15 - Коми Библия 2023

¹⁵ медым Сылы эскысь эз вош, а помтӧг оліс.

Иоан 3:15 Kruisverwysings

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 45:22

Шыасьӧй Ме дінӧ, му помъясын олысьяс, и ті мездманныд. Ӧд Ме – Енмыс, и мӧдыс абу.

Лыд 21:9

Мӧисей вӧчис ыргӧн змейӧс да кыпӧдіс сійӧс майӧг йылӧ. Кор змейӧн чушкӧм морт видзӧдліс ыргӧн змей вылӧ, ловйӧн кольліс.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 25:46

Сэки найӧ мунасны помтӧм мучитчӧмӧ, а веськыда олысьяс – помтӧм олӧмӧ».

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Лука 19:10

Морт Пи локтіс корсьны да мездыны вошӧмаӧс».

Иоан 1:12

Сійӧс сибӧдысьяслы, Сылы эскысьяслы, Сійӧ сетіс лоны Енлӧн ныв-пиӧн.

Иоан 16:33

Тайӧс висьталі тіянлы, медым тіян вӧлі лӧньлун Ме пытшкын. Муюгыдас сьӧкыд лоӧ тіянлы, но энӧ полӧй, ӧд Ме верми муюгыдсӧ».

Иоан 20:31

Но тайӧс гижӧма, медым ті эскинныд, мый Исус эм Кристос, Ен Пи. Эсканныд кӧ, Сылӧн нимыс пыр тіянлы вичмас олӧм.

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 6:47

Веськыда, веськыда висьтала тіянлы: Меным эскысьлӧн эм помтӧм олӧм.

Ап. уджъяс 13:41

– Видзӧдӧй, сералысьяс, да шензьӧй, тіянӧс лоӧ бырӧдӧма! Тіян олан лунъясӧ Ме вӧча сэтшӧмтор, мый тіянлы кӧ висьталасны та йылысь, ті онӧ эскӧй».

Ап. уджъяс 8:36

Сэккості найӧ воисны вадорӧ, евнук шуис: «Со ваыс. Мый менӧ кутӧ пыртчӧмысь?»

Римӧ 5:21

Кыдзи мыжыс ыджыдаліс да кыскис кулӧмас, тадзи буралӧмыс тшӧтш ыджыдалӧ веськыдлуннас да вайӧдӧ миянӧс Исус Кристос Господьным пыр помтӧм олӧмас.

1 Коринфӧ 1:18

Вошӧмаяслы крест йылысь висьталӧмыс – йӧйталӧм, а миянлы, мездмӧмаяслы – Енлӧн выныс.

2 Коринфӧ 4:3

Кодлыкӧ тупкыса кӧ миян буръюӧртӧмыс, сійӧ тупкыса вошӧмаяслы.

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

1 Иоан 2:25

А Пиыс кӧсйысис сетны миянлы помтӧм олӧм.

1 Иоан 5:1

Эскам кӧ, мый Исус эм Кристос, ми Енсянь чужӧмаӧсь. Муса кӧ миянлы Чужтысьыс, муса и Сысянь чужысьыс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.