Иоан 21:15 - Коми Библия 2023

¹⁵ Сёйӧм бӧраныс Исус шуис Симон-Петырлы: «Симон, Ионалӧн пи, мусаджык-ӧ Ме тэныд налы дорысь?» Петыр шуис: «Мусаджык, Господьӧй! Тэ тӧдан, мый Тэ меным муса». Исус шуис сылы: «Йирсьӧд Менсьым баляясӧс».

Иоан 21:15 Kruisverwysings

Олӧм 33:13

Яков шуис сылы: «Ыджыдӧй, тэ тӧдан, мый челядьӧй нэриникӧсь. А ыжъясӧй да мӧсъясӧй вайсялӧм бӧраныс лысьтанаӧсь. Лунтыр кӧ тэрмӧдлӧмӧн вӧтлан найӧс, ставныс куласны.

Ӧксыяслӧн 2 небӧг 7:20

Мый ме верма нӧшта шунысӧ? Тэ тӧдан менӧ, Ассьыд кесйӧгтӧ, Господьӧй Ыджыдӧй.

Ӧксыяслӧн 4 небӧг 20:3

«Господьӧй, казьтышт, мый ме олі Тэ водзын веськыда, став сьӧлӧмсянь кесъялі Тэныд да вӧчи Тэ водзын шогманасӧ». Сэсся Езекей ёна бӧрддзис.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Еремей 3:15

Ме сета тіянлы видзысьясӧс, кодъяс лоӧны Меным сьӧлӧм серти. Найӧ пондасны видзны тіянӧс мывкыдлунӧн да вежӧрлунӧн.

Езекиль 34:23

Ме сувтӧда Аслам ыжъяслы видзысьӧс, Ассьым Давид кесйӧгӧс. Сійӧ кутас видзны найӧс да тӧждысьны на вӧсна.

Езекиль 46:24

Морт шуис меным: «Тайӧ пусянінъясын крамбердса кесйӧгъяс мед пуӧны войтырлысь висьяссӧ».

Матвей 10:37

Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Матвей 26:33

Петыр шуис: «Весиг ставныс кӧ эновтасны Тэнӧ, ме ог».

Матвей 26:35

Петыр шуис: «Весиг кӧ кувны ковмас Тэкӧд, ог соссьы». Тадзи шуалісны тшӧтш мукӧд велӧдчысьыс.

Марк 14:29

Петыр шуис: «Весиг ставныс кӧ эновтасны Тэнӧ, ме ог».

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Лука 22:32

Но Ме кевмыси тэ вӧсна, медым эскӧмыд эз быр. Кор тэ бергӧдчан бӧр, ёнмӧд вокъястӧ».

Иоан 1:42

Ӧндрей вайӧдіс воксӧ Исус дінӧ. Исус видзӧдліс сы вылӧ да шуис: «Тэ Симон, Ионалӧн пи. Тэнад нимыд лоас Кифа». Сылӧн вежӧртасыс – из, мӧд ногӧн кӧ – Петыр.

Иоан 13:37

Петыр шуис: «Господьӧй, мыйла ӧні ог вермы Тэ бӧрся муннысӧ? Ме ассьым олӧмӧс сета Тэ вӧсна!»

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

Иоан 21:12

Исус шуис налы: «Локтӧй, сёйӧй». Велӧдчысьясыс эз лысьтны юавны Сылысь: «Коді Тэ?» Найӧ тӧдісны, мый Сійӧ Господь.

Иоан 21:7

Сэки велӧдчысьыс, коді вӧлі муса Исуслы, шуис Петырлы: «Тайӧ Господь». Симон-Петыр сэки вӧлі пӧрччысьӧма. Но кор кыліс, мый тайӧ Господь, сійӧ ӧдйӧ пасьтасис да чеччыштіс ваас.

Иоан 8:42

Исус шуис: «Енмыс кӧ тіянлы Бать, Ме эськӧ муса вӧлі тіянлы, ӧд Ме Енсянь локті. Ме эг Ассянь лок, Енмыс мӧдӧдіс Менӧ.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Ап. уджъяс 20:29

Ме тӧда, мый менам мунӧм бӧрын пырасны тіян пӧвстӧ горш кӧинъяс да пондасны усьласьны чукӧрныд вылӧ.

Римӧ 14:1

Жеб эскысьӧс сибӧдӧй, энӧ вензьӧй, сылӧн видзӧдласыс кӧ торъялӧ.

Римӧ 15:1

Миянлы, вынаяслы, колӧ лоны бур сьӧлӧмаӧн вынтӧмъяс дінӧ налӧн вермытӧмлун дырйи, оз ков мӧвпавны куш ас йывсьыным.

1 Коринфӧ 8:11

И тэнад тӧдӧмлун вӧсна вошас тайӧ жеб эскысьыс, тэнад вокыд, код вӧсна куліс Кристос.

Галатӧ 5:6

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колана сӧмын муслуна эскӧм.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

Ефесӧ 6:24

Енлӧн буралӧмыс быдӧнкӧд, коді радейтӧ миян Господь Исус Кристосӧс бырлытӧм муслунӧн. Аминь.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

1 Петыр 2:2

Но кыдзи пузчужӧм кагаяс пӧткӧдчӧны йӧлӧн, тадзи зільӧй пӧткӧдчыны Енлӧн сӧстӧм кывйӧн, медым сы отсӧгӧн быдминныд да лоинныд мездмӧмаӧсь.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

1 Иоан 5:1

Эскам кӧ, мый Исус эм Кристос, ми Енсянь чужӧмаӧсь. Муса кӧ миянлы Чужтысьыс, муса и Сысянь чужысьыс.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.