Иоан 20:4 - Коми Библия 2023

⁴ Найӧ кыкнанныс котӧртісны, но мӧдыс Петырысь тэрыбджыка котӧртіс да водзджык воис дзебанін дорас.

Иоан 20:4 Kruisverwysings

Ӧксыяслӧн 2 небӧг 18:23

«Мый лоана, мед лоӧ, но ме муна», – воча шуис Ахимаас. Йоав лэдзис сійӧс. Ахимаас котӧртіс мӧд туйӧд да воис кушса мортысь водзджык.

Левит 13:30

поп мед видзӧдлас карссӧ. Карсыс кӧ яйӧдзыс пырӧма, и юрсиыс либӧ тошгӧныс сэні вижов да вӧсни, поп мед шуас висьысьӧс пежӧн, ӧд сылӧн юр кучикас либӧ тшӧкаас проказа.

Иоан 20:3

Петыр да мӧд велӧдчысьыс мӧдӧдчисны дзебанінас.

Иоан 20:5

Сійӧ копыртчылӧмӧн видзӧдліс да аддзис дзебан дӧраяссӧ, но пытшкас эз пыр.

Иоан 20:8

Дзебанінас пырис тшӧтш мӧд велӧдчысьыс, коді водзджык воис. Сійӧ аддзис тайӧс да эскис.

1 Коринфӧ 9:24

Ті ӧмӧй онӧ тӧдӧй, мый панласигӧн котӧртӧны унаӧн, но тырдоныс вичмӧ сӧмын ӧтилы. Сідзкӧ, котӧртӧй, медым тайӧ тырдоныс вичмис тіянлы.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.