Иоан 20:2 - Коми Библия 2023

² Сэки котӧртіс Симон-Петыр дінӧ да сійӧ велӧдчысьыс дінӧ, коді вӧлі муса Исуслы, да шуис налы: «Господьтӧ нуӧмаӧсь дзебанінсьыс, но огӧ тӧдӧй, кытчӧ Сійӧс пуктӧмаӧсь».

Иоан 20:2 Kruisverwysings

Иоан 13:23

Велӧдчысьяс пиысь ӧти, коді вӧлі муса Исуслы, нёровтчӧмӧн пукаліс Исус бердын.

Иоан 19:26

Мамсӧ да сыкӧд сулалысь муса велӧдчысьсӧ аддзигӧн Исус шуис мамыслы: «Аньӧй, тайӧ тэнад пиыд».

Иоан 20:13

Найӧ юалісны: «Аньӧй, мыйла тэ бӧрдан?» Марья вочавидзис: «Нуӧмаӧсь менсьым Господьӧс, и ог тӧд, кытчӧ Сійӧс пуктӧмаӧсь».

Иоан 20:15

Исус юаліс: «Аньӧй, мыйла тэ бӧрдан? Кодӧс корсян?» Марья чайтіс, мый сыкӧд сёрнитӧ сад йӧрын уджалысь, да шуис сылы: «Ыджыдӧй, тэ кӧ петкӧдін Сійӧс, висьтав, кытчӧ пуктін. Ме босьта Сійӧс».

Иоан 20:9

Ӧд найӧ эз на гӧгӧрвоны Гижӧдсьыс, мый Исус ловзяс.

Иоан 21:20

Петыр бергӧдчыліс бӧрланьыс да аддзис, мый на бӧрся локтӧ сійӧ велӧдчысьыс, коді вӧлі муса Исуслы. Рытъя сёйигӧн Исуслы морӧс бердас топӧдчӧмӧн буретш сійӧ юавліс: «Господьӧй, коді нӧ Тэнӧ вузалас?»

Иоан 21:24

Буретш сійӧ велӧдчысьыс висьталӧ та йылысь, и сійӧ гижис ставсӧ тайӧс. И ми тӧдам, мый сылӧн висьталӧмыс веськыд.

Иоан 21:7

Сэки велӧдчысьыс, коді вӧлі муса Исуслы, шуис Петырлы: «Тайӧ Господь». Симон-Петыр сэки вӧлі пӧрччысьӧма. Но кор кыліс, мый тайӧ Господь, сійӧ ӧдйӧ пасьтасис да чеччыштіс ваас.