Иоан 18:37 - Коми Библия 2023

³⁷ Пилат шуис Сылы: «Сідзкӧ, Тэ Ӧксы?» Исус вочавидзис: «Тэ ачыд шуан, мый Ме Ӧксы. Ме чужи да локті муюгыдас, медым висьтавны збыль йывсьыс. Коді збыльыслӧн, сійӧ кывзӧ Менсьым кывъясӧс».

Иоан 18:37 Kruisverwysings

Исай 55:4

Давид пыр Ме петкӧдлі войтыръяслы Ассьым вынӧс, пукті сійӧс налы юралысьӧ да веськӧдлысьӧ.

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Матвей 27:11

Исусӧс вайӧдісны юралысь водзӧ. Юралысь юаліс: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Марк 14:62

Исус вочавидзис: «Ме. И ті аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Марк 15:2

Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Лука 22:70

Ставӧн шуисны: «Сідзкӧ, Тэ – Ен Пи?» Исус вочавидзис: «Ті асьныд тайӧс шуанныд».

Лука 23:3

Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан».

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 3:32

Сійӧ висьталӧ, мый аддзыліс да кывліс, но Сылысь висьталӧмсӧ йӧзыс сьӧлӧманыс оз сибӧдны.

Иоан 7:17

Коді кӧсйӧ вӧчны Ен кӧсйӧм серти, сійӧ тӧдмалас, Енсянь-ӧ тайӧ велӧдӧмыс, либӧ Ассянь Ме висьтала.

Иоан 8:14

Исус вочавидзис: «Ме кӧ висьтала Ас йылысь, Менам висьталӧмӧй веськыд, ӧд Ме тӧда, кытысь локті да кытчӧ муна. А ті онӧ тӧдӧй, кытысь Ме локті да кытчӧ муна.

Иоан 8:45

Ті онӧ эскӧй Меным, ӧд Ме збыльсӧ висьтала.

Иоан 8:46

Коді тіян пиысь вермас мыждыны Менӧ лёк вӧчӧмысь? Ме кӧ збыльсӧ висьтала, мыйла онӧ эскӧй Меным?

Иоан 8:47

Коді Енсянь, сійӧ кывзӧ Енлысь кывъяссӧ. А ті онӧ кывзӧй, ӧд ті абу Енсянь».

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

1 Иоан 2:21

Ме гижа тіянлы ог сы вӧсна, мый ті онӧ тӧдӧй збыльсӧ, мӧдарӧ, ті сійӧс тӧданныд да. Ті ӧд тӧданныд, мый збыльсяньыс ылӧгыс оз лок.

1 Иоан 3:14

Ми вуджим кулӧмысь олӧмӧ. Ми тӧдам тайӧс, ӧд радейтам вокъяснымӧс. Коді оз радейт воксӧ, кольӧ кулӧмас.

1 Иоан 3:19

Та серти тӧдмалам, мый ми збыльыслӧн. Сьӧлӧм кӧ мыждӧ миянӧс, ми вермам лӧньӧдны сьӧлӧмнымӧс Ен водзын. Енмыс ӧд ыджыдджык миян сьӧлӧмысь, Сійӧ ставсӧ тӧдӧ.

1 Иоан 4:6

А ми Енсянь. Енсӧ тӧдысь кывзӧ миянӧс, а коді абу Енсянь, сійӧ оз кывзы миянӧс. Та серти тӧдам збыльыслысь ловсӧ да ылӧгыслысь ловсӧ.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Восьтӧм 1:4

Иоан чолӧмалӧ асияса сизим вичкоӧс: буралӧм да лӧнь олӧм тіянлы Сысянь, коді эм, вӧлі и локтас, тшӧтш Сылӧн пуклӧс водзын олысь сизим ловсянь

Восьтӧм 3:14

«Лаодикия вичкоса анделлы тадзи гиж: Со мый висьталӧ Аминь, эскана да збыль Висьталысь, Енлӧн став вӧчӧмторлы Подулыс.