Иоан 16:5 - Коми Библия 2023

⁵ «Ӧні муна Менӧ Мӧдӧдысь дінӧ. Но некод тіян пиысь оз юав Менсьым, кытчӧ Ме муна.

Иоан 16:5 Kruisverwysings

Иоан 13:3

Исус тӧдіс, мый Батьыс ставсӧ сетіс Сы киӧ, мый Сійӧ локтіс Енсянь да бӧр Сы дінӧ мунӧ.

Иоан 13:36

Симон-Петыр юаліс: «Господьӧй, кытчӧ нӧ Тэ мунан?» Исус вочавидзис: «Кытчӧ Ме муна, сэтчӧ тэ ӧні он вермы муннысӧ. Локтан Ме бӧрся бӧрынджык».

Иоан 14:28

Ті ӧд кывлінныд Менсьым кывъясӧс: ”Ме муна да бӧр локта тіян дінӧ”. Ме кӧ муса тіянлы, ті эськӧ нимкодясинныд Бать дінӧ Менам мунӧмысь, ӧд Батьӧй Меысь ыджыдджык.

Иоан 16:10

Веськыдлуныс сыын, мый Ме муна Батьӧй дінӧ да ті онӧ нин аддзӧй Менӧ.

Иоан 16:16

«Регыд ті онӧ аддзӧй Менӧ, сэсся регыд бара аддзанныд Менӧ, ӧд Ме муна Бать дінӧ».

Иоан 16:17

Велӧдчысьяс пиысь кодсюрӧ сёрнитісны ӧта-мӧдныскӧд: «Мыйла Сійӧ шуӧ, регыд пӧ ті онӧ аддзӧй Менӧ, сэсся регыд бара аддзанныд Менӧ? Мыйла Сійӧ висьталӧ, Ме пӧ муна Бать дінӧ?»

Иоан 16:28

Ме локті муюгыдас Бать дінсянь. Ӧні Ме коля муюгыдсӧ да бӧр муна Бать дінӧ».

Иоан 17:13

Ӧні Ме локта Тэ дінӧ. Ме висьтала тайӧс муюгыдас олігӧн на, медым Менам нимкодьлунӧй тыртіс налысь сьӧлӧмнысӧ.

Иоан 17:4

Му вылас олігӧн Ме восьті Тэнсьыд дзирдлунтӧ да вӧчи Меным сетӧм уджтӧ.

Иоан 6:62

Мый эськӧ шуанныд, аддзанныд кӧ Морт Пилысь кыпӧдчӧмсӧ сэтчӧ, кӧні Сійӧ вӧлі водзынджык?

Иоан 7:33

Исус шуис налы: «Ме ог нин дыр ло тіянкӧд, регыд муна Менӧ Мӧдӧдысь дінӧ.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.