Иоан 16:26 - Коми Библия 2023

²⁶ Сійӧ лунӧ ті асьныд кутанныд корны Батьлысь Менам нимӧн. Меным оз нин ло колана кевмысьны Батьлы тіян вӧсна.

Иоан 16:26 Kruisverwysings

Иоан 14:16

Ме кора Батьлысь, и Бать сетас тіянлы мӧд Дорйысьӧс. Сійӧ пыр лоас тіянкӧд.

Иоан 14:20

Сійӧ лунӧ ті тӧдмаланныд, мый Ме – Бать пытшкын, ті – Ме пытшкынӧсь, а Ме – тіян пытшкын.

Иоан 16:19

Исус тӧдіс, мый йылысь велӧдчысьясыс кӧсйӧны юавны Сылысь, да шуис налы: «Сы йылысь-ӧ ті сёрнитанныд ӧта-мӧдныдкӧд, мый Ме шуи: ”Регыд ті онӧ аддзӧй Менӧ, сэсся регыд бара аддзанныд Менӧ”?

Иоан 16:23

Сійӧ лунӧ ті нинӧм нин онӧ юалӧй Менсьым. Веськыда, веськыда висьтала тіянлы: Бать сетас тіянлы ставсӧ, мый коранныд Сылысь Менам нимӧн.

Иоан 16:30

Ӧні ми аддзам, мый Тэ тӧдан ставсӧ. Миян юавтӧдз на Тэ тӧдан нин, мый вочавидзны. Та вӧсна эскам: Тэ локтін Енсянь».

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Иоан 17:9

Ме кевмыся на вӧсна. Ог став йӧзыс вӧсна кевмысь, кевмыся сӧмын Меным сетӧмаясыд вӧсна, ӧд найӧ Тэнадӧсь.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.