Иоан 16:14 - Коми Библия 2023

¹⁴ Сійӧ нимӧдас Менӧ, ӧд Месянь кывлӧмсӧ тіянлы юӧртас.

Иоан 16:14 Kruisverwysings

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Иоан 14:21

Коді видзӧ сьӧлӧмас Менсьым тшӧктӧмъясӧс да олӧ на серти, сійӧ радейтӧ Менӧ. Коді Менӧ радейтӧ, сійӧс Менам Батьӧй радейтӧ. Ме сійӧс тшӧтш радейта да восся сылы».

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Иоан 7:39

Исус висьталіс тайӧс Лов йылысь, кодӧс сибӧдасны Сылы эскысьяс. Налы абу на вӧлі сетӧма Вежа Ловсӧ, ӧд Исуслӧн дзирдлуныс эз на воссьы.

1 Коринфӧ 12:3

Та вӧсна висьтала тіянлы: морт пытшкас кӧ эм Енлӧн Лолыс, сійӧ некор оз кут ёрны Исусӧс. И мӧдарӧ, некод оз вермы шуны Исусӧс Господьӧн, абу кӧ сы пытшкын Вежа Лов.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Галатӧ 5:5

Но миянлы Енлӧн Лолыс сетіс лача, мый ми эскӧм пыр воам веськыдлунас.

1 Петыр 2:7

Сідзкӧ, тіянлы, эскысьяслы, Сійӧ – дона из. А эскытӧмъяслы тайӧ изйыс, кодӧс ӧтдортісны керка лэптысьяс, лоис пельӧс изйӧн, кытчӧ найӧ крукасясны-усясны.

1 Иоан 3:23

А Сійӧ тшӧктіс, медым ми эским Сылӧн Пилы, Исус Кристослы, да тшӧктӧмыс серти радейтім ӧта-мӧднымӧс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

1 Иоан 5:6

Исус Кристос локтіс ваӧн, вирӧн да Лолӧн, эз сӧмын ваӧн, но ваӧн да вирӧн. Та йылысь Лов висьталӧ, ӧд Лолыс эм збыльыс.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».